13.03.2026 | 20:10
Ատելը փողով է․ ձեր քոմենթի համար կարող են մինչև 2 մլն դրամ պահանջել. ՏԵՍԱՆՅՈՒԹ
ԵզրաԿԱՑՈՒԹՅՈՒՆ. Մի տնից երկու փոխնախարար. ո՞րն է Խոսրով Հարությունյանի «պրոբլեմը». ՏԵՍԱՆՅՈՒԹ
Հաղորդաշարեր
19.03.2018 | 18:43
Օրերս պետական պաշտոնյաների պատասխանատվության թեմայով ՀՀ գործատուների միության կազմակերպած քննարկման ընթացքում Աժ պատգամավոր Խոսրով Հարությունյանը համեմատական անցկացնելով Հայաստանում և Վրաստանում առկա կոռուպցիայի մակարդակի միջև՝ ասաց․ «Երկու ցուցանիշ են բերում՝ կոռուպցիա փաստացի և կոռուպցիայի ընկալումներ: Պարզվում է, որ մեր ու Վրաստանի կոռուպցիան իրականում չի տարբերվում, բայց ընկալումներում Հայատանը կոռումպացված է ամբողջությամբ, Վրաստանը՝ ոչ: Երբ կարդում էի սկսում էի մտածել՝ սա լա՞վ ա, թե՞ ոչ: Երբ կարդում էի՝ մտածում էի, որ սա լավ ա՝ սուր ենք վերաբերվում խնդրին: Բայց պարզվում ա, որ ոչ թե սուր ենք վերաբերվում, այլ դա ֆիքսում ենք, դրա մասին խոսում ենք, որովհետև այդպես հեշտ ա և բացասական տպավորություն ենք ստեղծում … Դրա համար ես ասում եմ՝ պրոբլեմը մեր մեջ ա, տղերք, մեզնից յուրաքանչյուրի, իմ որդու մեջ, թոռանս մեջ, մեր հարևանների մեջ»:
Հիշեցնենք, որ ԱԺ պատգամավոր, ՀՀ նախկին վարչապետ, Աժ նախկին նախագահ Խոսրով Հարությունյանի որդին՝ Ռոբերտ Հարությունյանը, 2016թ. մարտի 4-ից զբաղեցնում է Արտաքին գործերի փոխնախարարի պաշտոնը։ Մինչ այդ նա Եվրասիական տնտեսական հանձնաժողովի անդամ էր։
Շատ պատահաբար՝ աներորդու նշանակումից երեք ամիս անց, Հայաստանի արտաքին գործերի նախարարի մյուս տեղակալի պաշտոնին նշանակվեց Խոսրով Հարությունյանի ընտանիքի մեկ այլ անդամ՝ նրա փեսա Արմեն Պապիկյանը, ով մինչ այդ Եվրոպայի խորհրդում ՀՀ մշտական ներկայացուցիչն էր։
Խոսրով Հարությունյանի դուստրը՝ փոխարտգործնախարար Արմեն Պապիկյանի կինը՝ Էլեն Խոսրովի Հարությունյանը, նույնպես արտգործնախարարությունում է աշխատում` մամուլի, տեղեկատվության և հասարակայնության հետ կապի վարչությունում։
Ի՞նչ է սա՝ կոռուպցիայի դրսևորում, թե՞ կոռուպցիայի թյուր ընկալման օրինակ: Մեկ ընտանիքից նույն կառույցի երեք պաշտոնյա, որոնցից երկուսը՝ բարձրաստիճան:
Սևակ Հակոբյան
