10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ռուսաստանում կոշտ վայրէջքից հետո ինքնաթիռը բռնկվել է․ կան զոհեր
12.09.2021 | 21:58
ՌԴ Իրկուտսկի մարզում կոշտ վայրէջք է կատարել L-410 ուղևորատար ինքնաթիռը։ Միջադեպը տեղի է ունեցել տեղական ժամանակով ժամը 18։15-ին։
Իրկուտսկի մարզի Կազաչինսկո-Լենսկի շրջանում ինքնաթիռի կործանման հետևանքով զոհվել է անձնակազմի երկու անդամ և երկու ուղևոր, ևս մեկ ուղևոր գտնվում է ծանր վիճակում: Այս մասին ՏԱՍՍ-ին հայտնել են Արևելյան Սիբիրյան տրանսպորտային դատախազությունում։
Իրկուտսկից Կազաչինսկ չվերթն իրականացնող օդանավում եղել են 14 ուղևորներ և անձնակազմի երկու անդամներ: Ինչպես ավելի վաղ հայտնել էին օպերատիվ շտաբում, մնացած 12-ը վնասվածքներ են ստացել։ Ինքնաթիռն ընկել է թռիչքուղուց 4 կմ հեռավորության վրա։
Աղբյուրի տեղեկություններով ՝ վայրէջքից հետո օդանավը հրդեհվել է։
Վթարի հնարավոր պատճառների թվում դիտարկվում է մառախուղի պայմաններում վայրէջքի փորձի ժամանակ օդաչուների սխալը, ինչպես նաև շարժիչի խափանումը:
