Աղվան Հովսեփյանը, «աֆրիկյան մեր որսորդը» եղել են կոռուպցիայի ճարտարապետները. Անդրանիկ Քոչարյան․ ՏԵՍԱՆՅՈւԹ

«Պետք է երկխոսություն սկսել հաղթած կողմի հետ որքան էլ որ ծանր լինի, պատերազմներից վերականգնված գրեթե բոլոր երկրներն անցել են այս ճանապարհով: Երկկողմ դիվանագիտական հարաբերությունների հաստատումը կարող է փոխել սպասվող հեռանկարները: Բնականաբար, չպետք է մոռանալ կատարվածը, ուստի` դիվանագիտությունը պետք է հիմնված լինի տնտեսական, ռազմական և բարոյահոգեբանական ռիսկերի հիման վրա: Այս քայլերի գրագետ կիրառման արդյունքում մենք կարող ենք ռիսկերը մեղմել, թշնամանքը կդարձնենք կառավարելի և կլուծենք մեր պետության առջև դրված խնդիրները»,- այս մասին Factor TV-ի հետ զրույցում նշել է ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն՝ անդրադառնալով Նիկոլ Փաշինյանի՝ Թուրքիայի հետ երկխոսելու հայտարարությանը:

Սեպտեմբերի 21-ին՝ ՀՀ անկախության 30-ամյակին Երևանում կազմակերպվելու է համերգ: Փաշինյանն այն որակել էր «մասշտաբային և գունագեեղ», ինչը հարուցել էր զոհերի հարազատներից շատերի դժգոհությունը: Անդրանիկ Քոչարյանն այս առիթով նշեց. «Պատկերացրեք, որ մասշտաբային սիմֆոնիկ համերգ որտեղ կհնչի Տերտերյանի երաժշտությունը: Տերտերյանի երաժշտությունը շատ գունեղ է և շատ ոգեղեն է: Ինչ որ լիցքեր պետք են նաև մշակույթի լեզվով: Մեր տոները պետք է ինչ-որ ձև անպայման նշվեն, որովհետև հետպատերազմյան մեր կարիքների մեջ մեր հոգեբանական նկարագրի արթնացման խնդիրներ ունենք: Մենք չպետք է մեռանանք Եռաբլուրում թաղված մեր հերոսների, նրանց ընկերների ներկայությունը, որոնք մեզ կստիպեն հասնել վերջնական խաղաղության»:

Անդրանիկ Քոչարյանը կարծում է՝ իշխանությունները կոռուպցիայի դեմ պայքարի հարցում սկսել են մեծ փաթով գործել, ինչը կնպաստի զինել բանակը: «Դուք կմտածեի՞ք, որ Աղվան Գառնիկովիչը կալանավորվելու է, բոլորն ասում էին՝ չէ՛, միմյանց հետ լեզու են գտել, բայց հիմա Աղվան Հովսեփյանը կալանավայրում է, չնայած, որ իր փաստաբանները մի շարք հիվանդություններ են գտել: Գլխավոր դատախազը կոռուպցիայի, Մարտի 1-ի գործերը կոծկելու ճարտարապետն է եղել: «Աֆրիկյան որսորդը» ևս այդպես էր երկիրը կառավարում: Սպասեք հերթականությանը, ասվել է, արվում է, թեև ես էլ տեմպերից գոհ չեմ: Ես գիտեմ, որ ապօրինի գույքի բռնագանձման գործով ահռելի աշխատանք է կատարվել:

Անպայման անցկացնելու եմ արտագնա նիստ Վահագնի թաղամասում, Սևանում, Մոնումենտում, Ձորաղբյուրում, որտեղ կենտրոնացված են բանակի հետ առնչվող բարձրաստիճան զինվորակնների անշարժ գույքեր: Մեր «Աֆրիկյան որսորդը» ի՜նչ կարողությունների տեր է, մեռանք խոսելով «Սիստեմա» ընկերությունում իր ներդրումների մասին: Վճիռները հերթականությամբ գալու են և թակելու են բոլորի դռները»:

Հարցազրույցն ամբողջությամբ՝ տեսանյութում:

Նարեկ Կիրակոսյան