15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
Երևանի N122 դպրոցի նախկին տնօրեն Մարինա Մալախյանը ձերբակալվել է
Հասարակություն
09.09.2021 | 14:38
Երևանի համար 122 դպրոցի նախկին տնօրեն Մարինա Մալախյանը ձերբակալված է, դատարան է ներկայացվել նրան կալանավորելու միջնորդություն։
Այս մասին Factor.am-ի հետ զրույցում տեղեկացրեց Քննչական կոմիտեի հասարակայնության և լրատվության բաժնի պետ Վարդան Թադևոսյանը։
Հիշեցնենք՝ դպրոցի ուսուցչուհիներից մեկը Fip.am-ին տրամադրել էր ձայնագրություն՝ իր և տնօրենի մասնակցությամբ կաշառք տալու ու ստանալու վերաբերյալ: Մելինե Հակոբյանի և տնօրեն Մարինա Մալախյանի խոսակցության ձայնագրությունից պարզ էր դառնում, որ ուսուցչուհին աշխատանքի է ընդունվել 1500 դոլար վճարելու շնորհիվ, իսկ հետո էլ աշխատավարձի մի մասը պարբերաբար տվել տնօրենին:
Փաստի առիթով հարուցված է քրեական գործ՝ կաշառք տալու, ստանալու, կաշառքի միջնորդության մասին հոդվածներով:
