18.02.2026 | 23:28
Ստեփանծմինդա-Լարս ավտոճանապարհը փակ է
Ինձ համար մեծ պատիվ կլինի լինել Գյումրու քաղաքապետ. Հովհաննես Հարությունյան. ՏԵՍԱՆՅՈՒԹ
Քաղաքականություն
08.09.2021 | 12:14
Շիրակի մարզպետ, «Քաղաքացիական պայմանագիր» կուսակցության անդամ Հովհաննես Հարությունյանը Գյումրիում կայանալիք ընտրություններում գլխավորելու է կուսակցության համամասնական ցուցակը։ «Քաղաքացիական պայմանագիր» կուսակցության վարչության քննարկումը եղել է փակ, թե ինչով էր պայմանավորված ինձ ընտրելը, այդ ինֆորմացիային չեմ տիրապետում»,- լրագրողների հետ զրույցում ասաց Հարությունյանը:
Նրա խոսքով՝ իր առաջադրումը հնարավոր է գյումրեցիների վերաբերմունքով պայմանավորված լինել:
«Գոյություն ունեն սոցհարցումներ, հարցումներ, երբ ճշտվում է մարդկանց վերաբերմունքը տվյալ անձի աշխատանքի վերաբերյալ, ընդհանրապես՝ ընդունելի և չընդունելի լինելու հետ կապված։ Երևի հարցումները, նաև այլ պատճառներ են եղել, որի ժամանակ վարչության նիստում նման որոշում է կայացվել։ Ինձ առաջարկվել է գլխավորել համամասնական ցուցակը, և ես տվել եմ իմ համաձայնությունը: Ինձ համար մեծ պատիվ կլինի լինել Գյումրու քաղաքապետ», – ասաց Հարությունյանը։
Մանրամասները՝ տեսանյութում:
