18.01.2026 | 17:17
Bild. Գերմանացի զինվորականները վաղաժամ և «առանց բացատրությունների» լքել են Գրենլանդիան
ԱԺ-ում Գեղամ Մանուկյանին ծեծի ենթարկելու դրվագով քրեական գործ է հարուցվել
Հասարակություն
07.09.2021 | 16:13
Ազգային ժողովի «Հայաստան» դաշինքի պատգամավոր Գեղամ Մանուկյանին ծեծի ենթարկելու դրվագով հարուցվել է քրեական գործ։ Ինչպես Factor.am-ի հետ զրույցում տեղեկացրեց Հատուկ քննչական ծառայության հասարակայնության և լրատվության բաժնի պետ Մարինա Օհանջանյանը՝ գործը հարուցվել է ՀՀ քրեական օրենսգրքի 118-րդ հոդվածով ։
«Իսկ ԱԺ-ում օգոստոսի 25-ին տեղի ունեցած մնացած դեպքերի վերաբերյալ նախապատրաստված նյութերի հիման վրա որոշում է կայացվել քրեական գործի հարուցումը մերժել՝ հանցակազմի բացակայության հիմքով»,- նշեց Օհանջանյանը:
Հիշեցնենք, կառավարության ծրագրի 2021-2026թթ․ քննարկումը խորհրդարանում բավականին բուռն էր անցել։ Այն ուղեկցվել էր ծեծկռտուքով, սեռական բնույթի հայհոյանքներով, ընդդիմության ու իշխանության ներկայացուցիչների փոխադարձ վիրավորանքներով, քաշքշուկով, միմյանց վրա շիշ նետելով:
Ռոզա Վարդանյան
