02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Ավ. Իսահակյանի ստեղծագործությունների հանրահռչակման նպատակով դպրոցականները «Դե անիմացրու» խորագրով համակարգչային մրցույթի են մասնակցել
Հասարակություն
12.06.2017 | 18:35
Ս. թ. հունիսի 13-ին, ժամը 14:00-ին, Ավ. Իսահակյանի տուն թանգարանում /հասցե` ք. Երևան, Զարոբյան 20/ տեղի կունենա «Դե անիմացրու» խորագրով համակարգչային ստեղծագործական մրցույթի մրցանակաբաշխությունը: Մրցույթին մասնակցել են մայրաքաղաքի և հանրապետության տարբեր մարզերի դպրոցականներ. այս մասին տեղեկացնում է ՀՀ մշակույթի նախարարությունը:
Մրցույթի նպատակն է նպաստել մեծանուն գրող Ավ. Իսահակյանի ստեղծագործությունների հանրահռչակմանը դպրոցականների շրջանում, ստեղծել աշակերտների համակարգչային գիտելիքների, հմտությունների կիրառման հնարավորություններ` օգտագործելով նաև դպրոցի դերը գրականություն և ինֆորմատիկա առարկաների ուսուցիչների մասնակցությունն ու աջակցությունը:
Ծրագիրը մասնակիցների առջև դրել է նաև նոր պահանջներ, առաջադրանքներ, ավելի հետաքրքիր և բովանդակալից դարձնելով ծրագիրը` ստեղծագործական և տեխնիկական առումներով: Լավագույն աշխատանքների հեղինակները կպարգևատրվեն խրախուսական մրցանակներով, շնորհակալագրերով և մասնակցության հավաստագրով:
