30.06.2026 | 09:48
Էնցո Մարեսկան` «Մանչեսթեր Սիթիի» գլխավոր մարզիչ
Վարչապետի երեկվա ուղերձն ամեն ինչ ասում էր. Արցախի անկախության տոնը չի կարող ստվերվել. Հովակիմյան. ՏԵՍԱՆՅՈՒԹ
Քաղաքականություն
03.09.2021 | 13:32
Երեկ՝ սեպտեմբերի 2-ին, նշվում էր Արցախի անկախության 30-ամյակը: Քննարկումների առիթ դարձավ այն հարցը, թե ինչու ՀՀ վարչապետն Արցախ չմեկնեց: Նոյեմբերի 9-ից հետո Նիկոլ Փաշինյանն Արցախ չի մեկնել: Factor.am-ի հետ զրույցում անդրադառնալով այս դիտարկմանը՝ «Քաղաքացիական պայմանագիր» խմբակցության պատգամավոր Վահագն Հովակիմյանը նշեց, որ վարչապետի աշխատակազմին պետք է դիմել, եթե հարցը զուտ կազմակերպչական աշխատանքներին է վերաբերում. «Համենայնդեպս Արցախի տոնը չի կարող ստվերվել: Ըստ էության՝ վարչապետի երեկվա ուղերձն ամեն ինչ ասում էր»:
Թե ինչու է քաղաքական որոշմամբ նման հարցեր որոշվում, Հովակիմյանը նշեց, որ այդ եզրույթը շփոթության չպետք է մատնի. «Մեր՝ քաղաքական գործիչների անձնականից դուրս ցանկացած որոշում, որը վերաբերում է մեր գործունեությանը, դա, ըստ էության, քաղաքական որոշում է:
Դիտարկմանը, որ ընդդիմության կարծիքով իշխանության համար Արցախի էջը փակված է, Հովակիմյանը պատասխանեց, որ դա ընդդիմության կարծիքն է. «Իրականում այն, ինչ ցանկանում ենք անել, կառավարության ծրագրում է արտացոլված, մեր երազանքը հզոր Հայաստան, հզոր Արցախ կերտելն է և խաղաղությունը»:
Մանրամասները՝ տեսանյութում:
