26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Դիմակով տղամարդը մտել է բանկ և զենքի սպառնալիքով հափշտակել 102 մլն դրամ․ ՏԵՍԱՆՅՈւԹ
Հասարակություն
31.08.2021 | 22:44
Օգոստոսի 31-ին՝ ժամը 10.18-ին, մարզագլխարկով ու բժշկական դիմակով մի տղամարդ մտել էր մայրաքաղաքի մոլերից մեկում գործող բանկի մասնաճյուղ և զենքի սպառնալիքով հափշտակել պարկ, որի մեջ 102 միլիոն դրամ էր։ Այս մասին տեղեկանում ենք ՀՀ ոստիկանության լրատվական ծառայությունից։
Մոլի անվտանգության աշխատակիցներն ու բանկի աշխատակիցը հետապնդել և Արշակունյաց պողոտայում վնասազերծել էին տղամարդուն։ Այդ ընթացքում դեպքի վայր են ժամանել ոստիկանության Շենգավիթի բաժնի օպերատիվ խումբն ու պարեկային ծառայության ոստիկանները և նրան, ավազակային հարձակում կատարելու կասկածանքով, բերման ենթարկել ոստիկանության Շենգավիթի բաժին։
Բաժնում պարզվել է տղամարդու ինքնությունը՝ մայրաքաղաքի 41-ամյա բնակիչ։
Դեպքի վայր են ժամանել նաև ոստիկանության օպերատիվ խմբեր՝ ոստիկանության պետի առաջին տեղակալ Արամ Հովհաննիսյանի գլխավորությամբ, և քննչական խմբեր։
Ոստիկանների, բանկի և անվտանգության աշխատակիցների գործողությունների շնորհիվ տուժածներ չկան։
Գողոնը և հանցագործության գործիք ատրճանակը հայտնաբերվել են։
Կատարվում է նախաքննություն։
