Քաղաքականություն
30.08.2021 | 13:11«Միջազգային իրավական պահանջ է, որ հակամարտող կողմերը հակամարտությունից հետո պետք է փոխանակեն անհետ կործաների ճակատագրի վերաբերյալ տեղեկություններ: Նաև ԵԽԽՎ-ն է հայտնել այդ դիրքորոշումը: 2006թ. ԵԽԽՎ-ն Հայաստանին և Ադրբեջանին կոչ էր արել համագործակցել և անհետ կորած անձանց վերաբերյալ տեղեկություններով փոխանակվել»,- «Անհետ կորած անձանց միջազգային օր. 44-օրյա պատերազմում ունենք 243 անհետ կորած» թեմայով առցանց քննարկման ժամանակ այս մասին նշեց Մարդու իրավունքների պաշտպանի օգնական Անդրանիկ Եղոյանը:
Նրա հավաստմամբ՝ Հայաստանը բազմիցս պատրաստակամություն է հայտնել «Կարմիր խաչի» ներգրավմամբ համագործակցել Ադրբեջանի հետ՝ անհետ կորած անձանց վերաբերյալ տեղեկությունների հարցով, սակայն Ադրբեջանը մշտապես հրաժարվել է համագործակցելուց:
Եղոյանի դիտարկմամբ՝ եթե նոյեմբրի 9-ին ստորագրված փաստաթղթում նույնիսկ դրույթ չլիներ գերիների փոխանակման և անհետ կորածների մասին տեղեկությունների փոխանակման վերաբերյալ, միևնույն է, դա միջազգային իրավական պահանջ է: Ադրբեջանը պարտավոր է անմիջապես վերադարձնել գեիներին, մենք չպետք է թույլ տանք Ադրբեջանի իշխանություններին փաստերն աղավաղված ներկայացնել: Նրանք անընդհատ փորձում են գործընթացը քաղաքականացնել, ինչն անթույլատրելի է: Մենք այս հարցը պետք է դիտարկենք միայն մարդու իրավունքների դիտանկյունից»,- նշեց Եղոյանը՝ ընդգծելով, որ այս հարցում Ադրբեջանը խախտում է բոլոր միջազգային և մարդասիրական նորմերը:
Մանրամասները՝ տեսանյութում:
