05.06.2026 | 20:56
Բանավեճի պնդումները՝ սխալներից մինչև մանիպուլյացիաներ․ Factor TV-ի ստուգումը՝ իրական ժամանակում. ՏԵՍԱՆՅՈՒԹ
Ղազախստանում համազգային սգո օր են հայտարարել՝ ի հիշատակ զինամթերքի պայթյունների հետևանքով զոհվածների
28.08.2021 | 16:37
Ղազախստանի նախագահ Կասիմ-Ժոմարտ Տոկաևն օգոստոսի 29-ը համազգային սուգ է հայտարարել Ժամբիլի շրջանում տեղի ունեցած ողբերգական իրադարձությունների կապակցությամբ, որտեղ զորամասի պահեստներում զինամթերքի պայթյունների հետևանքով զոհվել է առնվազն 12 մարդ, փոխանցում է «ՌԻԱ Նովոստի»-ն:
“Ժամբիլի մարզի Բայզակի շրջանում տեղի ունեցած ողբերգական պատահարի կապակցությամբ, որը հանգեցրել է մարդկանց մահվան, օգոստոսի 29-ը հայտարարում եմ համազգային սգո օր»,- գրել է պետության ղեկավարը Twitter-ում։
Ղազախստանի պաշտպանության նախարարությունը օգոստոսի 26-ի երեկոյան տեղեկացրել է, որ Ժամբիլի մարզում հրդեհ է բռնկվել զորամասի պահեստում, որտեղ պահվում են ինժեներական զինամթերքներ։
Ըստ Արտակարգ իրավիճակների նախարարության տվյալների՝ հիվանդանոցներ է տեղափոխվել մոտ 100 տուժած, այդ թվում ՝ արտակարգ իրավիճակների տեղական դեպարտամենտի 49 աշխատակից: Ուրբաթ առավոտյան հիվանդանոցներում մնացել են 28 տուժածներ, որոնցից 6-ը ծանր վիճակում են։ Վերջին տվյալներով ՝ զոհվել է 12 մարդ, կան անհետ կորածներ։
