07.10.2026 | 23:48
Արթուր Դանիելյանը կալանավորվեց
Գերեզմանատներից բազալտե սալիկներ էր գողացել և օգտագործել այլ գերեզմանների շինարարությունում
Հասարակություն
28.08.2021 | 14:00
Օգոստոսի 26-ին ոստիկանության Թումանյանի բաժնի ծառայողները տեղեկություններ էին ստացել, որ Շնող գյուղի 32-ամյա մի բնակիչ 2020 թ. հունիսին Ալավերդի քաղաքի Հաղպատ բնակավայրի հին գերեզմանատնից գողացել է բազալտե սալիկներ, իր «ԳԱԶ-2410» ավտոմեքենայով տեղափոխել Շնող գյուղի գերեզմանատուն և օգտագործել է այլ անձի գերեզմանի շինարարության ժամանակ:
Ինչպես տեղեկացրին ՀՀ ոստիկանությունից, նույն օրը ձեռնարկված օպերատիվ-հետախուզական միջոցառումների շնորհիվ տղամարդը հրավիրվել է ոստիկանության Թումանյանի բաժին և տվել խոստովանական բացատրություն:
Պարզվել է նաև, որ նա տարբեր ժամանակահատվածներում բազալտե սալիկներ է գողացել նաև Շնող գյուղի և Ախթալա քաղաքի գերեզմանատներից։
Ձեռնարկվում են միջոցառումներ՝ տուժողներին պարզելու և հաղորդում ընդունելու ուղղությամբ:
Նշանակվել է դատաապրանքագիտական փորձաքննություն։
Կատարվում է քննություն։
