Մշակույթ
26.08.2021 | 18:12
ՀՀ կրթության, գիտության, մշակույթի և սպորտի նախարարության դրամաշնորհային աջակցությամբ «ՄՈԴ ԱՐՏ» ՍՊԸ-ն օգոստոսի 27-ին կիրականացնի «Music ՋԵՄ» երաժշտական նախագիծը, տեղեկացնում են ԿԳՄՍՆ-ից։
«Music ՋԵՄ»-ն աշխարհում ընդունված և օրեցօր տարածվող երաժշտական ձևաչափ է, որտեղ հիմնական դերակատարները երաժշտական աշխարհի ներկայացուցիչներն են: Նրանք, անկախ ժանրային առանձնահատկությունից, հնարավորություն են ստանում ստեղծագործական նոր որակների բացահայտման՝ երաժշտական դեբատների միջոցով խոսելու իմպրովիզների և նորարարության լեզվով:
Հայ հանդիսատեսը հնարավորություն կունենա մասնակցելու աշխարհում ընդունված երաժշտական ձևաչափի հայաստանյան մեկնարկին, ներկաների համար կհնչեն ջազ, ֆանկ, մոդեռն, էքսպերիմենտալ երաժշտություններ:
Միջոցառման հիմնական հյուրն է վրացի աշխարհահռչակ դաշնակահար և ջազմեն Բեկա Գոչիաշվիլին: Ելույթ կունենան նաև Գոչիաշվիլու բենդը, Հայաստանի առաջատար բենդեր ու անհատ երաժիշտ-կատարողներ (https://fb.watch/7D5093OjdO/):
Միջոցառման անցկացման վայրը՝ «Շէնէ» հարթակ (հասցե՝ Ջրվեժ, Գառնու մայրուղի 16/8), մեկնարկը՝ ժամը 17:00: Մանրամասները՝ https://www.facebook.com/jammusicportal/
