07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Մոնթե Մելքոնյանի անվան ռազմամարզական վարժարանում անցկացվել է «Տեր և տիկին» մրցաձևը
Հասարակություն
25.08.2021 | 23:16
Մոնթե Մելքոնյանի անվան ռազմամարզական վարժարանում անցկացվել է «Միջազգային բանակային խաղեր-2021» մրցաշարի շրջանակում Հայաստանի Հանրապետությունում մեկնարկած «Խաղաղության մարտիկ» միջազգային մրցույթի առաջին՝ գրական-գեղարվեստական «Տեր և տիկին» մրցաձևը: Այս մասին տեղեկանում ենք ՊՆ մամուլի ծառայությունից։
Հավաքական թիմերի ներկայացուցիչները հանդես են եկել ազգային տարազներով, երաժշտական, պարային և ասմունքի տարբեր կատարումներով: Մշակույթի գործիչներով համալրված հեղինակավոր ժյուրիի գնահատականների համադրումից հետո որոշվել է տվյալ մրցափուլի հաղթողը:
Առաջին տեղում Հայաստանի զինված ուժերը ներկայացնող թիմն է: Մեր մասնակիցներից Հայկ Հակոբյանը և Արմինե Գրիգորյանը անհատական հաշվարկով առաջատարներ են:
Որպես գրական-գեղարվեստական մրցաձևի շարունակություն, մասնակիցները նաև բացազատել են ազգային տաղավարներ, որտեղ ներկայացվել են մշակութային տարբեր ցուցանմուշներ, տվյալ երկրի խոհանոցին բնորոշ կերակրատեսակներ:
