13.11.2026 | 20:49
«Պալաչ» մականունով հայտնի Արթուր Հարությունյանը կմասնակցի Աբովյանի ընտրություններին. 4 ուժ քաղաքական հայտ է ներկայացրել
Մարտունի-Ննգի-Ստեփանակերտ ավտոճանապարհին ավտովթար է տեղի ունեցել․ կան տուժածներ
23.08.2021 | 13:21
Օգոստոսի 22-ին՝ ժամը 20:30-ին, ԱՀ ՆԳ նախարարության ոստիկանության Մարտունու շրջանային բաժնում, միաժամանակ ԱԻՊԾ ահազանգման կենտրոնում հաղորդում է ստացվել, որ Մարտունու շրջանի Վարանդա գյուղի մոտ ավտովթար է տեղի ունեցել, կան տուժածներ:
Ինչպես տեղեկացրին ԱՀ ՆԳՆ ԱԻՊԾ-ից, օգնություն ցուցաբերելու նպատակով կանչի վայր մեկնած ՆԳՆ ծառայողները պարզել են, որ նույն օրը՝ ժամը 20:00-ի սահմաններում, Մարտունի-Ննգի-Ստեփանակերտ ավտոճանապարհի 14-րդ կիլոմետրին, Քերթ համայնքի բնակիչն իր վարած «ՎԱԶ-2106» ավտոմեքենայով դուրս է եկել հանդիպակաց երթևեկելի գոտի և բախվել Թաղավարդ համայնքի բնակչի վարած «ՎԱԶ-2106» ավտոմեքենային:
ՃՏՊ հետևանքով վարորդը և ուղևորները տարբեր աստիճանի մարմնական վնասվածքներով տեղափոխվել են Մարտունու շրջանային բուժմիավորում:
Համաձայն անձի սթափության ստուգման արձանագրության՝ «ՎԱԶ-2106» մակնիշի մեքենայի վարորդ Քերթ համայնքի բնակիչ Գ.Գ.-ն գտնվել է 0,91 մլ/գ ոչ սթափ վիճակում:
Ստուգմամբ զբաղվում է ոստիկանության Մարտունու շրջանային բաժինը:
