19.11.2024 | 10:29
Նավթի գներն աճել են
Նյու Յորքի օդանավակայանները փոթորկի պատճառով չեղյալ են հայտարարել չվերթների մի մասը
22.08.2021 | 20:16
Նյու Յորքի Ջոն Քենեդիի անվան և «Լա Գուարդիա» օդանավակայանները և Նյու Ջերսիի «Նյուարք» օդանավակայանը չեղյալ են հայտարարել որոշ չվերթներ՝ պայմանավորված Հենրի արևադարձային փոթորկի հետ կապված մտավախությունների հետ, «ՌԻԱ Նովոստի»-ի փոխանցմամբ՝ հայտնել է Նյու Յորքի և Նյու Ջերսիի նավահանգստային վարչության ղեկավար Ռիկ Կոտթոնը:
«Այսօր առավոտյան «Լա Գուարդիա» օդանավակայանում չվերթների 23 տոկոսը չեղարկվել է։ Չեղյալ է հայտարարվել Ջոն Քենեդիի անվան օդանավակայանում թռիչքների 11%-ը և «Նյուարք»-ում՝ թռիչքների 22%-ը»,- ասել է Կոտթոնը մամուլի ասուլիսում ՝ հավելելով, որ այդ օդանավակայաններից յուրաքանչյուրը գործարկել է արտակարգ շտաբներ. բոլոր հաղորդակցությունները համակարգվում են արտակարգ պայմաններում աշխատանքի այդ կենտրոնների միջոցով:
Նրա խոսքով ՝ կախված անձրևի, քամու և ընդհանուր եղանակային պայմաններից, կարող են չեղյալ հայտարարվել նաև այլ չվերթներ:
Ավելի վաղ Նյու Յորքի նահանգապետ Էնդրյու Կուոմոն հայտնել էր, որ Նյու Յորքում արտակարգ դրություն է հայտարարվել, քանի որ քաղաքին է մոտենում Հենրի փոթորիկը։
