06.06.2026 | 19:42
«10 հոգի գալում ենք միտինգի». նոր գաղտնալսում ընտրակաշառքի գործով
Մակրոնն ու Պուտինը պայմանավորվել են ԼՂ հակամարտության կարգավորման համատեղ աշխատանքների շուրջ
Քաղաքականություն
20.08.2021 | 10:45
Օգոստոսի 19-ին Վլադիմիր Պուտինը հեռախոսազրույց է ունեցել Ֆրանսիայի Հանրապետության նախագահ Էմանուել Մակրոնի հետ:
Կրեմլի հաղորդմամբ՝ Էմանուել Մակրոնի խնդրանքով՝ Վլադիմիր Պուտինը տեղեկացրել է Լեռնային Ղարաբաղի վերաբերյալ 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների կատարման առաջընթացի մասին: Նշվել է, որ իրավիճակը տարածաշրջանում ընդհանուր առմամբ կայուն է, քայլեր են ձեռնարկվում Հարավային Կովկասում տնտեսական և տրանսպորտային կապերը վերականգնելու և բնակչության մարդասիրական կարիքները բավարարելու համար: «Փոխադարձ տրամադրվածություն է արտահայտվել Լեռնային Ղարաբաղի կարգավորման տարբեր ասպեկտների վերաբերյալ հետագա համատեղ աշխատանքի համար, առաջին հերթին ԵԱՀԿ Մինսկի խմբում»,- ասված է Կրեմլի տարածած հաղորդագրության մեջ:
Ըստ Ելիսեյան պալատի հաղորդագրության՝ երկու երկրների նախագահները անդրադարձել են նաև հայ-ադրբեջանական սահմանային լարվածությանը։
«Նախագահ Մակրոնը նաև մտահոգություն է հայտնել Հայաստանի ու Ադրբեջանի միջև լարվածության աճի կապակցությամբ։ Երկու նախագահները հաստատել են իրենց ընդհանուր ձգտումը, որ Մինսկի խմբի համանախագահությունը բարձր դերակատարում ունենա 2020թ-ի աշնան պատերազմից ու 2020թ-ի նոյեմբերի 9-ի հայտարարությունից հետո տևական լուծումների հասնելու գործում»,- ասվում է ֆրանսիական կողմի տարածած հաղորդագրության մեջ։
