16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Փոխնախարար Աննա Հակոբյանն անձնական պատճառներով և երեխայի բուժման նպատակով է ազատվել աշխատանքից․ Քերոբյան. ՏԵՍԱՆՅՈւԹ
Քաղաքականություն
18.08.2021 | 17:04
«Մենք իհարկե, իդեալական երկիր չենք՝ ո՛չ դատական համակարգի, ո՛չ օրենսդրական, ո՛չ, ենթակառուցվածքների, ո՛չ լոգիստիկ, ո՛չ էլ այլ առումներով և կառավարության ու Էկոնոմիկայի նախարարության խնդիրն է, որպեսզի այդ բոլոր սահմանափակումները հաշվի առնելով գրավիչ պայմաններ առաջարկի ներդրումների համար»,- լրագրողների հետ ճեպազրույցում հայտնեց Էկոնոմիկայի նախարար Վահան Քերոբյանը՝ պատասխանելով հարցին, թե նման անկայուն պայմաններում ինչպես է կառավարությունը նախանշել մինչև 9% տնտեսական աճ և ներդրումների ավելացում:
Քերոբյանը հավաստիացրեց, որ ներդրումներն ավելացել են, բայց չցանկացավ թվեր հնչեցնել՝ ասելով, որ առաջիկայում կհրապարակվեն պաշտոնական թվերը:
Անդրադառնալով հարցին, թե ինչու են աշխատանքից ազատվել էկոնոմիկայի նախարարի երկու տեղակալները, և ովքեր են նշանակվելու նրանց փոխարեն, Քերոբյանը նշեց. «Աննա Հակոբյանն ու Ավագ Ավանեսյանը դուրս եկան իրենց պաշտոններից: Ցավով պետք է նշեմ, որ Աննա Հակոբյանն իր երեխայի բուժման նպատակով դուրս եկավ աշխատանքից, նրա փոխարեն նշանակվել է Ռաֆայել Գևորգյանը, ով բարձրակարգ մասնագետ է: Մոտ ապագայում կհամալրենք բոլոր թափուր պաշտոնները և կստեղծենք այն թիմը, որ կիրականացնի կառավարության հավակնոտ ծրագրի մեր մասը»:
Մանրամասները՝ տեսանյութում:
