07.11.2024 | 18:32
Ակնայում ադրբեջանցի զինծառայող է ինքնասպան եղել
«Թալիբան»-ը հայտարարել է, որ լավ հարաբերություններ է ցանկանում «եղբայրական Թուրքիայի» հետ
Քաղաքականություն
17.08.2021 | 22:41
«Թալիբան»-ը հայտարարել է, որ Թուրքիայի հետ ցանկանում է լավ հարաբերություններ, քանի որ ձգտում է հարմարվել աշխարհակարգին Աֆղանստանում տարած հաղթանակից հետո։ Այս մասին ասել է «Թալիբան»-ի մամուլի խոսնակ Սուհալի Շահինը։
«Թուրքիան մեծ, իսլամական, եղբայրական երկիր է»,- ասել է Շահինը թուրքական AHaber-ի հետ հարցազրույցում։ Ըստ նրա՝ «Թալիբան»-ը պատրաստ է աշխատել միջազգային դերակատարների հետ, քանի ձգտում են ամրապնդել իշխանությունը։
«Բոլորը կարող են հանգիստ լինել․ կառավարությունը, որը կհաստատվի Աֆղանստանում, կհարմարվի աշխարհակարգին»,-ասել է նա։
Հիշեցնենք, որ անցյալ շաբաթ Թուրքիայի նախագահ Ռեջեփ Թայիփ Էրդողանը հայտարարել էր, որ, հնարավոր է, ընդունի «Թալիբան»-ի առաջնորդին՝ բանակցելու Աֆղանստանի խնդիրների շուրջ։
Էմմա Չոբանյան
