26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Հայիթիում երկրաշարժի հետևանքով զոհերի թիվը հասել է 724-ի
15.08.2021 | 19:19
Հայիթիում երկրաշարժի հետևանքով զոհերի թիվը հասել է 724-ի։ Iz.ru-ի փոխանցմամբ՝ այս մասին հայտնում է Հանրապետության քաղաքացիական պաշտպանության վարչությունը։
ՄԱԿ-ի գլխավոր քարտուղարի ներկայացուցիչ Ստեֆան Դյուժարիկը հայտնել է, որ կազմակերպությունը սատարում է Հայիթիի կառավարության ջանքերը՝ վերջին երկրաշարժի հետեւանքով տուժածներին օգնություն ցուցաբերելու համար և պատրաստ է հետագա աջակցություն ցուցաբերել:
Այսօր առավոտյան Հայիթիում 5,8 մագնիտուդով երկրաշարժ էր տեղի ունեցել։ Էպիկենտրոնը գտնվել է Լե Կե կոմունայից 35 կմ հեռավորության վրա, որտեղ բնակվում է շուրջ 125 հազար մարդ:
Նախօրեին Հայիթիի ափերի մոտ տեղի է ունեցել 7,2 մագնիտուդով երկրաշարժ։
Հայիթիի ղեկավարությունը երկրաշարժից հետո որոշում էր կայացրել մեկ ամսով երկրում արտակարգ դրության ռեժիմ սահմանել։
Շաբաթ օրը տեղի առողջապահության նախարարությունը դիմել է երկրի քաղաքացիներին ՝ կոչ անելով արյուն հանձնել աղետի հետևանքով տուժածներին օգնելու համար:
