07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Հայտնի է, թե որքան թոշակ կստանա Անգելա Մերկելը պաշտոնը թողնելուց հետո
14.08.2021 | 17:31
Գերմանիայի կանցլեր Անգելա Մերկելն իր պաշտոնից հեռանալուց հետո ամսական շուրջ 15 հազար եվրոյի չափով թոշակ կստանա, փոխանցում է Regnum.ru-ն՝ վկայակոչելով Հարկ վճարողների միության տվյալները։
Հարկատուների միության տվյալներով՝ գումարը հաշվարկվում է՝ հաշվի առնելով այն, որ քաղաքական գործիչը 1990 թվականից պարբերաբար ընտրվել է Բունդեսթագի անդամ ՝ զուգահեռաբար աշխատելով Գերմանիայի նախկին կանցլեր Հելմուտ Կոլի կառավարությունում: Մերկելն արդեն գրեթե 16 տարի զբաղեցնում է այդ պաշտոնը։
Գործակալության տեղեկատվության համաձայն ՝ Գերմանիայի ներկայիս կանցլերը պետք է թոշակ ստանա Բունդեսթագի պատգամավորի աշխատավարձի 65 տոկոսի չափով (այս պահին դա 10 հազար եվրո է): Ընդ որում, չի նշվում, թե որքան է նա ստանալու կանցլերի պաշտոնում գտնվելու համար, սակայն, ԶԼՄ-ների տվյալներով, մինչև Մերկելն այդ պաշտոնը զբաղեցրած Գերհարդ Շրյոդերը, որը պաշտոնավարել է 7 տարի, ամսական ստանում է մոտ 6,5 հազար եվրո:
Նշենք, որ Բունդեսթագի ընտրությունները կկայանան ընթացիկ տարվա սեպտեմբերին և դրանց արդյունքում կձևավորվի Գերմանիայի նոր կառավարությունը: Միևնույն ժամանակ, Մերկելը ավելի վաղ հայտարարել էր, որ մտադիր չէ հավակնել կանցլերի պաշտոնին:
