14.12.2025 | 17:25
Իրավիճակը ճանապարհներին՝ 17։15-ի դրությամբ
Ինչ են քննարկել Փաշինյանն ու ՔՊ-ի պատգամավորներն ԱԺ-ում
Քաղաքականություն
12.08.2021 | 21:53
Ազգային ժողովի մշտական հանձնաժողովների ձեւավորումից հետո խորհրդարանում տեղի է ունեցել վարչապետ Նիկոլ Փաշինյանի եւ «Քաղաքացիական պայմանագիր» խմբակցության անդամների հանդիպումը:
Factor.am-ին հայտնի դարձավ, որ այն ավարտվել է քիչ առաջ: Հանդիպման ժամանակ Փաշինյանն ու թիմակիցները քննարկել են կառավարության ծրագիրը: Վարչապետը լսել է պատգամավորների դիտարկումներն ու առաջարկները:
Կառավարության ծրագիրն Ազգային ժողովին ներկայացվելու է մինչեւ օգոստոսի 23-ը, սակայն հստակ օրը դեռ հայտնի չէ: Նիկոլ Փաշինյանն իր գոհունակությունն է հայտնել ՔՊ-ականներին առաջին նստաշրջանում ցուցաբերած ակտիվության համար:
Նիկոլ Փաշինյանի՝ ԱԺ-ում գտնվելու ընթացքում խորհրդարանի շենքի տարածքում խստացված հսկողություն է իրականացվել: Թեեւ նշենք, որ 8-րդ գումարման խորհրդարանի աշխատանքերի մեկնարկից ի վեր Ազգային ժողովի շենքի տարածքում՝ Բաղրամյան պողոտայում եւ Դեմիրճյան փողոցի կողմերից, ինչպես նաեւ՝ հարակից այգում, մեծաթիվ ոստիկանական ուժեր են կենտրոնացված:
