08.10.2026 | 16:52
Հայտնի է Արման Ծառուկյանի հաջորդ մրցակիցը RAF-ում. ԼՈՒՍԱՆԿԱՐ
Ռուսաստանը միակ երկիրն է, որն իրական արդյունք է տալիս հայ ժողովրդի անվտանգության ապահովման համար․ Արշակ Կարապետյան
Քաղաքականություն
11.08.2021 | 16:45
ՌԴ պաշտպանության նախարարությունը պատրաստ է աջակցելու Հայաստանի զինված ուժերի արդիականացմանն ու բարեփոխումներին։ Այս մասին հայտարարել է ՌԴ պաշտպանության նախարար Սեյգեյ Շոյգուն Մոսկվայում ՀՀ ՊՆ Արշակ Կարապետյանի հետ հանդիպմանը, գրում է ՏԱՍՍ-ը։
«Կարևոր նշանակություն ենք տալիս մեր համագործակցությանը ռազմական ոլորտում, ինչպես երկկողմ, այնպես էլ՝ ՀԱՊԿ-ի ձևաչափում։ Պատրաստ ենք շարունակել աջակցել Հայաստանի ԶՈՒ-ի բարեփոխման ծրագրի իրագործմանը»,- ասել է Շոյգուն։
Նա նաև ասել է, որ ՀՀ տարածքում է գտնվում ռուսական 102-րդ ռազմաբազան, որը լավ համալրված է ու հանդիսանում է անվտանգության երաշխավորը։
«Հայաստանը Ռուսաստանի դաշնակիցն ու առանցքային գործընկերն է Հարավային Կովկասում անվտանգության ապահովման և մենք հետաքրքված ենք այդ տարածաշրջանում կայունության պահպանմանը»,-ասել է ռուս նախարարը։
Իր հերթին Արշակ Կարապետյանը շնորհակալություն է հայտնել Շոյգուին Հայաստանի ԶՈւ-ի վերականգմանը աջակցելու պատրաստկամության համար։ Նա նշել է, որ իր առաջին օտարերկրյա այցը որպես պաշտպանության նախարար կատարում է ՌԴ, որը Հայաստանի ռազմավարական դաշնակիցն է։
«Ռուսաստանը միակ երկիրն է, որը իրական արդյունք է տալիս հայ ժողովրդի անվտանգության ապահովման համար ու այսօր անվտանգության հարցերով զբաղվում ոչ միայն ԼՂ-ում, այլև Հայաստանի սահմանին։ Մենք պատարստ ենք սերտ ու արդյունավետ համագործակցության»,- Արշակ Կարապետյանի խոսքերն է մեջբերում ՏԱՍՍ-ը։
Էմմա Չոբանյան
