14.01.2026 | 19:29
Պապիկյանը հետևել է սպայական կազմերի ատեստավորման գործընթացի կրակային փուլին
Արտառոց իրավիճակ Օպերայում․ ղեկավարությունը հստակ բացատրություններ չի տալիս
Մշակույթ
09.06.2017 | 18:17
Օպերայի և բալետի ազգային ակադեմիական թատրոնում երեկ տեղի էր ունեցել արտառոց բան. տապալվել էր «Գայանե» բալետի ներկայացումը։ Նվագախմբի երաժիշտների մի մասը` շուրջ 80 հոգի, դուրս չէր եկել բեմ։ Այսօր թատրոնում այս առիթով հրավիրվել է ժողով, որին մասնակցել է նաև մշակույթի նախարար Արմեն Ամիրյանը, ով, անդրադառնալով երաժիշտների քայլին, հանդես է եկել խիստ որակումներով։
Նշենք, որ օրեր առաջ տեղի են ունեցել կրճատումներ` թատրոնի կառուցվածքային փոփոխություններով պայմանավորված: 583 աշխատակցից 10-ը կրճատվել է, նրանք ստացել են ծանուցագրեր: Ղեկավարությունից պարզաբանում են, որ կրճատումները տեղի են ունեցել վարչական աշխատակազմի շրջանակում՝ թատրոնի աշխատանքի արդյունավետության բարձրացման նպատակով, և որ այդ գործընթացը գեղարվեստական մասին որևէ կերպ չի առնչվում։
Այնուամենայնիվ, օպերային թատրոնում բարձրացված սկանդալի կենտրոնում հայտնվեց հենց գեղարվեստական հատվածը։ Ովքե՞ր են եղել «Գայանե» բալետի ներկայացումը բոյկոտողները, ի՞նչ կապ ունեն թատրոնում արված կրճատումները՝ բոյկոտի հետ և արդյո՞ք օպերային թատրոնում սկիզբ առած բոյկոտը ուղղորդված արշավ է Կոնստանտին Օրբելյանի դեմ․ այս և այլ հարցերի պատասխանել են Օպերային թատրոնի տնօրենի առաջին տեղակալ Կարինե Կիրակոսյանը և դիրիժոր Զավեն Վարդանյանը։
Աննա Բաբաջանյան
