17.07.2026 | 16:27
Շատիվանքի Սբ․ Սիոն եկեղեցու 17-րդ դարի որմնանկարների վերականգնման ընթացքում բացահայտվել են միջնադարյան նոր պատկերներ
Առուշ Առուշանյանին առաջադրված մեղադրանքում փոփոխություն է տեղի ունեցել
Հասարակություն
09.08.2021 | 17:11
Գորիսի քաղաքապետ Առուշ Առուշանյանին ՀՀ քրեական օրենսգրքի երեք հոդվածներով առաջադրված մեղադրանքից մեկ հոդված հանվել է։ Ինչպես Factor.am-ի հետ զրույցում նշեց Առուշանյանի պաշտպան Էրիկ Ալեքսանյանը, չի հիմնավորվել Քրեական օրենսգրքի 149-րդ հոդվածը․ «Գործը հսկող դատախազի դիտարկմամբ՝ չի հիմնավորվել ընտրական իրավունքի իրականացմանը, ընտրական հանձնաժողովների աշխատանքներին կամ ընտրությանը մասնակցող անձանց լիազորությունների իրականացմանը խոչընդոտելը։ Այլ մանրամասներ՝ չեն հաղորդվում»,- նշեց Ալեքսանյանը։
Հիշեցնենք՝ նախաքննական մարմնի հաղորդագրության համաձայն՝ «Հայաստան» դաշինքի ընտրական ցուցակի 32-րդ համարը զբաղեցնող Առուշ Առուշանյանն իր դաշինքի օգտին առավելագույն քվեներ ապահովելու և ընտրություններում ցանկալի արդյունք արձանագրելու համար նախապատրաստել է ծանր հանցագործություն, այն է` երկու և ավելի ընտրողի կաշառք տալը։
Ըստ մեղադրանքի՝ արտահերթ ընտրություններից մի քանի օր առաջ համայնքապետը հանդիպել է Քարահունջի վարչական ղեկավար Լուսինե Ավետյանին և առաջարկել ընտրություններից հետո դրամական օգնություն տրամադրել այն ընտրողներին, ովքեր կխոստանան ընտրել «Հայաստան» դաշինքին: Ըստ ՀՔԾ-ի՝ հանցագործությունն ավարտին չի հասցվել Առուշանյանի կամքից անկախ հանգամանքներով, քանի որ Քարահունջի ղեկավար Ավետյանը հրաժարվել է ընտրողներին հանդիպելուց և նրանց դրամական օգնության տեսքով կաշառք տալուց:
