19.11.2024 | 12:28
Փաշինյանի նոր կերպարը․ վարչապետը փոխել է ֆեյսբուքյան էջի գլխավոր լուսանկարն ու ետնանկարը
Լավրովն ու Բայրամովը քննարկել են հայ-ադրբեջանական սահմանին իրավիճակի կարգավորման ուղիները
Քաղաքականություն
09.08.2021 | 14:06
Այսօր հեռախոսազրույց է տեղի ունեցել ՌԴ ԱԳ նախարար Սերգեյ Լավրովի ու Ադրբեջանի ԱԳ նախարար Ջեյհուն Բայրամովի միջև։ ՌԴ արտգործնախարարությունը հաղորդում է, որ երկու երկրների արտաքին գերատեսչությունների ղեկավարները քննարկել են երկկողմ հարաբերություների, տարածաշրջանային ու միջազգային օրակարգին առնչվող հարցեր։
«Նախարարները գոհունակությամբ հաստատել են ռուս-ադրբեջանական բազմաբնույթ հարաբերությունների աստիճանական զզարգացումը ,առևտրատնտեսական կապերի կայուն աճը։ Հաստատվել է փոխադարձ տրամադրվածությունը իրագործելու այն պայմանավորվածությունները, որոնք ձեռք են բերվել ՌԴ Ադրբեջանի նախագահ Իլհամ Ալիևի հուլիսի 20-ին կատարած այցի ընթացքում»,-ասվում է հաղորդագրության մեջ։
Նշվում է նաև, որ տեղի է ունեցել կարծիքների փոխանակում Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9 -ի և 2021 թվականի հունվարի 11-ի հայտարարությունների կատարման տարբեր ասպեկտների, ինչպես նաև հայ-ադրբեջանական սահմանին իրավիճակի կարգավորման ուղիների վերաբերյալ։
«Ընդգծվել է տարածաշրջանում տնտեսական ու տրանսպորտային կապերի ապաշրջափակման Ռուսաստանի, Ադրբեջանի ու Հայաստանի փոխվարչապետների նախագահությամբ աշխատանքային խմբի գործունեության շուտափույթ վերսկսման կարևորությունը։ Դիտարկվել են նաև համագործակցության հետագա խորացման հարցերը միջազգային հարթակներում, այդ թվում՝ ՄԱԿ-ում, ԵԱՀԿ-ում ու «Կասպյան հնգյակում»,-ասվում է ասվում է ՌԴ ԱԳՆ-ի տարածած հաղորդագրության մեջ։
Էմմա Չոբանյան
