18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Մեսսին սոցցանցի իր էջում հրաժեշտի խոսքեր է հղել «Բարսելոնային»
08.08.2021 | 20:27
Լիոնել Մեսսին գրառում է կատարել ինստագրամյան իր էջում, որտեղ հրաժեշտի խոսքեր է հղել «Բարսելոնային»։
«Կցանկանայի այլ կերպ հեռանալ` չնայած բաժանումները երբեք հաճելի չեն լինում։ Ես հաճույքով կմնայի ու ամեն ինչ արել եմ դրա համար, սակայն չստացվեց։
Միայն կարող եմ երախտագիտության խոսքեր հայտնել բոլորին, ում հանդիպել եմ ակումբում անցկացրած տարիների ընթացքում, ինչպես նաև բոլոր երկրպագուներին, որոնք իրենց սերն են տվել ու որոնց փորձել եմ նույն կերպ պատասխանել։ Վիսկա Բարսա»,- գրել է Մեսսին։
Օրեր առաջ հայտնի էր դարձել, որ արգենտինացի հարձակվող Լիոնել Մեսսին հեռացել է իսպանական «Բարսելոնա» ֆուտբոլային ակումբից:
Իսպանիայի առաջնության ֆինանսական կանոնների պատճառով ակումբը 34-ամյա ֆուտբոլիստի հետ չի կարողացել նոր պայմանագիր կնքել։
Մեսսին «Բարսելոնայի» հիմնական թիմում հանդես է եկել 2003 թվականից։ Ակումբի հետ նա 10 անգամ դարձել է Իսպանիայի չեմպիոն, յոթ անգամ հաղթել է Իսպանիայի Գավաթում և Սուպերգավաթում։ Նա նաև չորս հաղթանակ է տարել Չեմպիոնների լիգայում, երեքական ՝ Եվրոպայի Սուպերգավաթում և ակումբային ԱԱ-ում։
«Բարսելոնայի» նախագահ Ժոան Լապորտան հաստատել է, որ Լիոնել Մեսսին կդառնա ՊՍԺ-ի խաղացող։
