14.05.2026 | 21:30
Ահազանգեր՝ բոլոր կողմերից․ ինչ խախտումներ են եղել քարոզարշավի առաջին շաբաթում. ՏԵՍԱՆՅՈՒԹ
Օշականում իրականացվում է «Խեցեգործության պարտեզ» ծրագիրը
Հասարակություն
06.08.2021 | 18:03
ՀՀ ԿԳՄՍ նախարարության աջակցությամբ Օշականի մշակույթի պալատում մեկնարկել է «Խեցեգործության պարտեզ» ծրագիրը:
Ծրագիրը միտված է ապահովելու համայնքի ոչ նյութական մշակութային ժառանգության պահպանությունը, մշակութային կյանքի աշխուժացումը, համայնքի բնակիչների ազատ ժամանցի և զբաղվածության ապահովումը` ոչ նյութական մշակութային ժառանգության գիտելիքների և ունակությունների ձեռքբերման միջոցով. տեղեկացնում են ԿԳՄՍՆ-ից:
Ծրագրի ընթացքում Օշականի մշակույթի պալատում կձևավորվի «Խեցեգործության պարտեզ», որտեղ համայնքի բնակիչները կծանոթանան խեցեգործության հմտություններին, կպատրաստեն կուժեր, հուշանվերներ, կավե այլ պարագաներ՝ դրանք ձևավորելով Օշականում հնագիտական պեղումների ընթացքում հայտնաբերված ուրարտական խեցիների, զարդերի և այլ նմուշների զարդանախշերով։ Ծրագրի ընթացքում կկազմակերպվեն ցուցահանդեսներ, որտեղ համայնքի բնակիչներն ու այցելուները կծանոթանան խմբի աշխատանքներին։
«Խեցեգործության պարտեզ» ծրագրի նպատակն է վերակենդանացնել մոռացվող հնագույն արվեստներից մեկի՝ խեցեգործության ավանդույթը՝ որպես Օշական համայնքի ոչ նյութական մշակութային ժառանգության դրսևորում և համայնքի կայուն զարգացումը խթանող միջոց։
