14.01.2026 | 19:00
«Թրամփի ուղին» ավելի մեծ անվտանգային երաշխիք է, քան եթե ԱՄՆ դեսպանը գնա սահման, ասի՝ մի կրակեք․ Հայկազ Ֆանյան․ ՏԵՍԱՆՅՈՒԹ
Մենք պետք է այնպես անենք, որ տարածաշրջանում ժողովուրդները չուզենան միմյանց ոչնչացնել. Արսեն Թորոսյան. ՏԵՍԱՆՅՈՒԹ
Քաղաքականություն
05.08.2021 | 19:02
Այնպես չէ, որ պրոցեսներ չեն ընթանում, պարզապես ամեն ինչ չէ, որ հնարավոր է հանրայնացնել: Այս մասին Factor TV-ի հետ զրույցում նշեց «Քաղաքացիական պայմանագիր» խմբակցության պատգամավոր Արսեն Թորոսյանը՝ անդրադառնալով հարցին, թե սահմանային խնդիրներն ինչպես են լուծվելու, և դիտարկմանը, որ վերջերս վարչապետ Նիկոլ Փաշինյանը ռուս սահմանապահների տեղակայման մասին առաջարկով հանդես եկավ, սակայն արձագանքներ չկան:
«Վերջին միջադեպերից՝ սահմանախախտումներից հետո մի քանի անգամ ՀՀ բարձրաստիճան պաշտոնյաները եղել են Մոսկվայում՝ բանակցելու ռուս գործընկերների հետ, ինչպես նաև եղել են եռակողմ բանակցություններ, որոնց արդյունքների մասին դեռ վաղ է խոսելը, բայց պրոցեսները շարունակվում են, և մենք ամեն ջանք պետք է գործադրենք մեր տարածքային ամբողջականությունը վերականգնելու համար՝ օգտագործելով մեր ձեռքի տակ եղած դիվանագիտական և այլ ռեսուրսները: Վստահ եմ՝ դա մեզ կհաջողվի: Այնպիսի գործիքկազմ պետք է օգտագործենք, որպեսզի հասնենք տարածաշրջանում խաղաղության»,- նշեց պատգամավորը:
«Մենք պետք է այնպես անենք, որ տարածաշրջանում ժողովուրդները չուզենան միմյանց ոչնչացնել»,- ընդգծեց Թորոսյանը:
Մանրամասները՝ տեսանյութում:
