23.04.2026 | 17:09
Գործադիրն առաջարկում է 16 տարին լրացած անձանց համար նույնականացման քարտ ունենալը դարձնել պարտադիր
Մենք ինքնուրույն չենք կարող ապահովել անվտանգություն ու խաղաղություն․ ԱՀ նախագահն այցելել է Մարտակերտ. ՏԵՍԱՆՅՈՒԹ
04.08.2021 | 11:10
Արցախի Հանրապետության նախագահ Արայիկ Հարությունյանը կարծիք է հայտնել, որ տարածաշրջանում իրավիճակն այնպիսին է, որ Արցախը ինքնուրույն և միայնակ ի վիճակի չէ ապահովել իր անվտանգությունը: Այս մասին նա նշել է Մարտակերտի բնակիչների հետ հանդիպման ժամանակ:
«Հաղթանակը վերջնական չէ, պարտությունը ճակատագրական չէ: Քաջություն ունենալ շարունակել. Դա է կարևորը: 30 տարվա ընթացքում ունեցել ենք և հաղթանակ, որը ես կանվանեմ ժամանակավոր հաջողություն, որովհետև եթե հաղթանակը վերջնական չէ, չի կարող հաղթանակ լինել: Ունեցել ենք անհաջողություն` դա պարտություն չէ, բայց մենք պետք է գտնենք, վերագտնենք մեզ, շարունակենք մեր պայքարը: Մեր այսօրվա աշխատանքով պայմանավորված է ոչ միայն մեր առօրյան, մեր կյանքն ու գործունեությունը, այլ մեր երեխաների, մեր սերունդների ճակատագիրը»,- ասաց Հարությունյանը:
Արցախի նախագահը ընդգծեց`Արցախում ռուսական զորքի առկայությունը ոչ թե պետք է լինի ժամանակավոր, այլ մշտական:
«Եթե չլիներ ռուսական զորքի մուտքը տարածաշրջան, ապա շատ ավելի ուրիշ ճակատագիր մենք կունենայինք: Կան տարբեր հիմար մեկնաբանություններ, ոմանք իրենց արդարացնելու կամ մեղքը ուրիշի վրա բարդելու համար տարբեր բաներ են ասում: Դավաճան չի եղել, դավաճանություն չի եղել, մենք կռվել ենք՝ ունենալով սահմանափակ հնարավորություն»,- նշեց Հարությունյանը:
Միաժամանակ նա նաև ընդգծեց, որ չպետք է հույս դնել, որ որևէ մեկը գալու է, մեր երկիրը փրկի. «Չէ՛, փրկողները մենք ենք՝ այստեղ ապրողներս, և մենք պետք է գիտակցենք մեր անելիքները»:
Մանրամասները՝ տեսանյութում:
