09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Կալանքի տակ գտնվող անձանց անձեռնմխելիությունը՝ որպես պատգամավորի թեկնածու, հաղթահարված է․ դատախազ. ՏԵՍԱՆՅՈՒԹ
Հասարակություն
03.08.2021 | 13:50
«Կալանքի տակ գտնվող անձանց անձեռնմխելիությունը, որոնք նրանք ունեցել են որպես պատգամավորի թեկնածու, հաղթահարված է օրենքով սահմանված կարգով։ Սահմանադրական կարգավորումները չեն ենթադրում, որ արդեն իսկ սկսված քրեական հետապնդումը կամ արդեն իսկ տեղի ունեցած ազատությունից զրկումը պետք է ստանա Ազգային ժողովի համաձայնությունը»,- լրագրողների հետ զրույցում այս մասին ասաց ՀՀ գլխավոր դատախազի տեղակալ, Մարտի 1-ի գործով մեղադրող դատախազ Գևորգ Բաղդասարյանը՝ անդրադառնալով «Հայաստան» խմբակցության կալանավորված երկու պատգամավորների վերաբերյալ հարցին։
Նա հավելեց, որ որևէ տեղ չկա գրված, թե արդեն իսկ տեղի ունեցած ազատությունից զրկումը հետագայում անձի՝ պատգամավորի կարգավիճակ ստանալու դեպքում պետք է ևս մեկ անգամ հաստատվի ու վերահաստատվի։
Դատախազի խոսքով՝ Մեղրիի նախկին քաղաքապետ Մխիթար Զաքարյանն ու Սիսիանի քաղաքապետ Արթուր Սարգսյանը, ովքեր այժմ կալանքի տակ են, պատգամավորի կարգավիճակ ստացել են մանդատ ստանալուց հետո։ «Մանդատ ստանալուց հետո են դառնում պատգամավոր, իսկ մինչև դա, օրենքը ևս նրանց համար սահմանում է երաշխիքներ, բայց այդ երաշխիքները այլ են», – ասաց Բաղդասարյանը՝ հավելելով, որ իր իմացած իրավաբանությամբ, օրենքի խախտում չկա։
Մանրամասները՝ տեսանյութում:
