17.07.2026 | 16:27
Շատիվանքի Սբ․ Սիոն եկեղեցու 17-րդ դարի որմնանկարների վերականգնման ընթացքում բացահայտվել են միջնադարյան նոր պատկերներ
Արմեն Գևորգյանի բացակայությունը հարգելի չէր․ դատարանը թույլ չտվեց արտահայտվել․ դատախազ. ՏԵՍԱՆՅՈՒԹ
Հասարակություն
03.08.2021 | 13:45
Երևանի ընդհանուր իրավասության դատարանում այսօր հետաձգվեց ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի գործով քննությունը։
«Դատարանը մեզ թույլ չտվեց արտահայտվել, բայց իմ կարծիքով՝ Արմեն Գևորգյանի բացակայությունը հարգելի չէր»,- լրագրողների հետ զրույցում այս մասին նշեց ՀՀ գլխավոր դատախազի տեղակալ, Մարտի 1-ի գործով մեղադրող դատախազ դատախազ Գևորգ Բաղդասարյանը:
«Եթե կոնկրետ դեպքում աշխատանքով պայմանավորված հատուկ անհնարինություն կլինի, սա վերաբերում է յուրաքանչյուր ամբաստանյալի, այդ հարցը կարելի է քննարկել, բայց ինքնին աշխատանքային ծանրաբեռնվածությունը պատճառ չի կարող լինել»,- նշեց դատախազը:
Նա անդրադարձավ նաև Արմեն Գևորգյանի՝ ԱԺ պատգամավոր դառնալուց հետո պատգամավորական անձեռնմխելիությանը. «Արմեն Գևորգյանի դեպքում արդեն հարուցված է քրեական հետապնդում, որն անվերադարձ գործողություն է, այսինքն՝ չես կարող այն երկրորդ անգամ կատարել: Արմեն Գևորգյանը ներգրավված է որպես մեղադրյալ, և դա օրենքով քրեական հետապնդում հարուցելու ձևն է: Իսկ Սահմանադրությունը երաշխիք է նախատեսում քրեական հետապնդում հարուցելու համար համաձայնություն ստանալու»:
Մանրամասները՝ տեսանյութում:
