18.02.2026 | 23:28
Ստեփանծմինդա-Լարս ավտոճանապարհը փակ է
Աբու Դաբիում զինտեխնիկայի փոխարեն ինչո՞ւ էինք ներկայացել բուկլետներով. Հակոբ Արշակյանի պարզաբանումը. ՏԵՍԱՆՅՈՒԹ
Քաղաքականություն
02.08.2021 | 18:06
Ազգային ժողովի փոխնախագահի պաշտոնում Հակոբ Արշակյանի թեկնածության առաջադրումը թիմի որոշումն է: Այս մասի Factor.am-ի հետ զրույցում նշեց ՔՊ նորընտիր պատգամավոր Հակոբ Աշակյանը: Նա նաև հավելեց, որ իրեն խորթ չէ օրենսդիրի աշխատանքը, ամբողջությամբ պատկերացմում է խորհրդարանական աշխատանքի էությունը և կարող է արդյունավետ աշխատել:
Անդրադառնալով դիտարկմանը, որ Աբու Դաբիում կազմակերպված ցուցահանդեսում զինտեխնիկա ներկայացնելու փոխարեն Հայաստանը ներկայացել էր բուկլետներով և հարցին, թե արդյոք ինքը, որ այն ժամանակ ՀՀ բարձր տեխնոլոգիական արդյունաբերության նախարար էր, իրեն մեղավոր չի համարում ոչ պատշաճ ներկայանալու համար, Հակոբյանը նշեց. «Մեր կողմից ներկայացվելիք պրոդուկտների մեջ ոչ թե զնեք-զինամթերք էր, այլ մոդելներ էին, որոնց տեղափոխման հետ կապված խնդիրներ էին առաջացել, և այդ մասին հայտնել ենք, այնուամենայնիվ, որոշ էքսպոնատներ այլ ճանապարհներով հասցվել են տեղ: Քանի որ մասնագետները տեղում էին և բազմաթիվ երկրներ էին նմանատիպ ֆորմատով ներկայացել, պրոդուկտիվ էր մեր մասնակցությունը, նաև շնորհակալական նամակներ ենք ստացել, և պայմանավորվածություններ են ձեռք բերվել: Եվ հիմա էլ այդ պայմանավորվածությունների շրջանակներում աշխատանքներ են տարվում, որպեսզի հայկական արտադրանքները արտաքին շուկաներ արտահանվեն: Մենք կարողացել ենք այդ ցուցահանդեսից օգուտներ քաղել»:
Արշակյանի խոսքով՝ այդ ցուցահանդեսում բարձր որակի ստենդի փոխարեն միջին որակի ստենդ ունենալու համար ծառայողական քննություն է իրականացվել և պատժվողներ են եղել:
Մանրամասները՝ տեսանյութում:
