07.10.2026 | 16:30
ԱԺ-Կառավարություն հարցուպատասխանը՝ ՈՒՂԻՂ
Խաչատուր Սուքիասյանը` եղբոր մասնակցությամբ կրակոցների մասին. ՏԵՍԱՆՅՈՒԹ
Հասարակություն
02.08.2021 | 12:51
«Քաղաքացիական պայմանագիր» խմբակցության պատգամավոր Խաչատուր Սուքիասյանն այսօր ԱԺ-ում Factor.am-ի հետ զրույցում անդրադարձավ եղբոր մասնակցությամբ կրակոցների մասին հարցին:
«Ամենաճիշտ գնահատականը կլինի, երբ որ իրավապահ մարմինները իրենց գնահատականը կտան»,- նշեց Սուքիասյանը:
Անդրադառնալով հարցին, թե արդար է, որ իր եղբայրը գտնվում է կալանքի տակ, պատգամավորը նշեց. «Եթե ես արտահայտվեմ, սուբյեկտիվ կլինի, ավելի լավ է փաստաբանի և այլ մասնագիտական կառույցների դիմեք, որոնք իրենց կարծիքը կհայտնեն»:
Դիտարկմանը, որ եզակի դեպքերից է, երբ իշխանության ներկայացուցչի մերձավորը կալանավորվել է, և հարցին՝ ինչքանո՞վ վստահ կարելի է լինել, որ պատգամավորի գործոնը հաշվի առնելով՝ նախաքննական մարմինը կաշկանդված չի լինի, Սուքիասյանը նշեց. «Նախ՝ այլ կողմ նույնպես կա, այլ փաստաբան նույնպես կա, դա ամենակարևոր հակակշիռն է, և արդեն պետք չէ նախաքննական մարմնի կաշկանդվածության մասին մտածել: Իհարկե, կլինեն արդար, որովհետև մենք միայն փաստաբանի առկայությունն ենք ապահովել, որ նա աշախատի: Իհարկե, շատ տեղեկացված ենք մանրամասներից: Սա է իրողությունը»:
Մանրամասները՝ տեսանյութում:
