16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ջանջուղազյանն առարկություններ ունի Ապարանում խաղատուն կառուցելու առնչությամբ. ՏԵՍԱՆՅՈՒԹ
Քաղաքականություն
29.07.2021 | 12:09
Կառավարության այսօրվա նիստում քննարկվում է ներդրումային մի ծրագրի, ըստ որի` Արագածոտնի մարզի Ապարան համայնքում 2080 հեկտար հողամասում լեռնադահուկային համալիր կկառուցվի, տարածքում նախատեսվում է նաև խաղատուն և ճոպանուղի կառուցել, ինչի առնչությամբ իր դիտարկումները և առարկությունը ներկայացրեց Ֆինանսների նախարարի պաշտոնակատար Ատոմ Ջանջուղազյանը:
Նա նշեց, որ գործող կարգավորումների համաձայն՝ 40 միլիարդ դրամից ավելի ներդրման դեպքում, կառավարության կողմից հավանության արժանացած ներդրումային ծրագրի շրջանակում ներդրողը կարող է նաև խաղատնային գործունեություն ծավալել, բայց դրա համար պետք է վճարվի 5,5 միլիարդ դրամ պետական տուրք:
«Երեք քաղաքներում՝ Սևանում, Ջերմուկում և Ծաղկաձորում (որտեղ տեղակայված են խաղատներ-խմբ.), չկա այդ ներդրման չափի պահանջը և չկա 5,5 միլիարդ դրամ պետական տուրքի վճարման պարտավորությունը, տվյալ տարածքներում նախատեսված է 150 միլիոն դրամ պետական տուրք: Սա նշանակում է, որ, ըստ էության, մենք ավելացնում ենք ևս մեկ վայր, որտեղ կարող է լինել խաղատուն: Կարող է այդպիսի որոշում կայացվել, բայց մենք պետք է հասկանանք՝ մեր այս քաղաքականությունը վաղը մեզ ուր է տանելու»:
Մանրամասները՝ տեսանյութում:
