20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Սերժ Սարգսյանի եղբոր աղջիկն անցնում է ապօրինի ծագման գույքի բռնագանձման գործով
Հասարակություն
26.07.2021 | 13:58
ՀՀ 3-րդ նախագահ Սերժ Սարգսյանի եղբայր Լյովա Սարգսյանի դուստրը՝ Անի Սարգսյանը, անցնում է ապօրինի ծագման գույքի բռնագանձման գործով։
Factor.am-ն այս մասին տեղեկանում է պաշտոնական հայտարարությունների պետական համակարգից:
ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Անի Սարգսյանին պատկանող գույքի առնչությամբ իրականացվել է ուսումնասիրություն և գույքի ձեռքբերման հետ կապված հարցեր են առաջացել:
Նշենք, որ Լյովա Սարգսյանն էլ անցնում է «Հյուսիս-հարավ» ճանապարհաշինության չարաշահումների գործով: Նա փախուստի մեջ է:
Հիշեցնենք՝ 2020-ին Գլխավոր դատախազությունում ձևավորվեց ապօրինի ծագում ունեցող գույքի բռնագանձման գործերով վարչությունը։ Այն սեպտեմբերից մինչև նոյեմբեր ստացել է շուրջ 200 նյութ, որոնք վերաբերում են հնարավոր ապօրինի ծագման գույք ունեցող 405 անձի։
Դատախազությունը չի բացահայտում, թե հանրությանը հայտնի որ անձանց գույքն է հայտնվել իրենց խոշորացույցի տակ։ Սակայն մի քանիսի անունը հայտնի է. նրանք են նախկին փոխոստիկանապետ Վլադիմիր Գասպարյանը, ԱԱԾ հակահետախուզության դեպարտամենտի իրավապահ համակարգի սպասարկման և վերահսկման բաժնի պետ Սերոբ Հարությունյանը, ԱԺ նախկին նախագահ Գալուստ Սահակյանի որդին՝ պետգույքի կառավարման կոմիտեի նախկին ղեկավար Արման Սահակյանը:
Նարեկ Կիրակոսյան
