30.01.2026 | 21:42
Մեր երկրների և ժողովուրդների հարաբերությունները բարեկամական են, պատմական են և քաղաքակրթական. ՀՀ նախագահը՝ Հնդկաստանի դեսպանին
«Ինֆա» թայֆունը կաթվածահար է արել Շանհայի երթևեկությունը․ 360 000 մարդ է տարհանվել
25.07.2021 | 21:33
«Ինֆա» մոտեցող թայֆունը կաթվածահար է արել տրանսպորտային հաղորդակցությունը Շանհայում։ Ինչպես հաղորդում է «ՌԻԱ Նովոստի»-ն, իշխանությունները ստիպված են եղել տարհանել շուրջ 360 հազար մարդու：
«Ինֆա» թայֆունը Չինաստանի հարավարևելյան Չժեցզյան նահանգի ափերին հասել է կիրակի կեսօրին: Օդերևութաբանների տվյալներով ՝ թայֆունը հյուսիս-արևմուտք է շարժվում ժամում 10 կիլոմետր արագությամբ և կիրակի երեկոյան կհասնի Շանհայ: Քաղաքի իշխանությունները նախազգուշացման նախավերջին «նարնջագույն» մակարդակ են հայտարարել։
«Սինհուա» գործակալության տվյալներով ՝ Շանհայը արդեն ցիկլոնի ազդեցության տակ է, քաղաքում քամու պոռթկումները հասնում են յոթ միավորի, փլվել են շուրջ հազար ծառեր, պոկվել են գովազդային վահանակները և կոտրվել շենքերի ապակիները: Սպասվում է, որ գիշերը ուժգին քամին և անձրեւը կուժեղանան:
Իշխանություններն արդեն ափամերձ շրջաններից տարհանել են շուրջ 360 հազար աշխատողների։ Այս պահին տուժածներ չկան։
Քաղաքի երկու միջազգային օդանավակայաններում չեղյալ են հայտարարվել բոլոր չվերթները, փակվել է մետրոն, ինչպես նաև ամբողջությամբ դադարեցվել է արագընթաց գնացքների երթևեկությունը մինչև վաղն ընկած ժամանակահատվածը:
