29.06.2026 | 17:25
Երևանում Խանջյան փողոցում երթևեկության կազմակերպման փոփոխություն կկատարվի
Տոկիոյում Օլիմպիական խաղերի մեդալակիրներին թույլ են տվել դիմակը հանել պարգևատրման արարողության ժամանակ
25.07.2021 | 20:51
Տոկիոյի Օլիմպիական խաղերի մեդալակիրներին թույլ են տվել 30 վայրկյանով դիմակը հանել պարգևատրման արարողության ժամանակ լուսանկարվելու համար: Այս մասին հայտնում է «Սպորտ Էքսպրեսը» ։
Նշվում է, որ օրհներգից հետո մարզիկներին նշան կտրվի, որ առավելագույնը 30 վայրկյանով հնարավոր է դիմակը հանել: Այդ պահին մրցանակակիրները պետք է պահպանեն միմյանցից հեռավորությունը։
Նախօրեին հայտնի է դարձել, որ Տոկիոյի օլիմպիադայում մարզիկները պարտավոր են բժշկական դիմակներ կրել այն վայրերում, որտեղ դա պահանջում են կազմակերպիչները, հակառակ դեպքում, նրանց նկատմամբ կարգապահական միջոցներ կձեռնարկվեն:
Հուլիսի 1-ից ի վեր ընդհանուր առմամբ հայտնաբերվել է օտարերկրացիների և ճապոնացիների շրջանում վարակման 127 դեպք, որոնք առնչվում են խաղերի անցկացմանը, այդ թվում՝ մարզիկների, անձնակազմի և պատվիրակությունների անդամների մոտ:
