12.03.2026 | 10:05
ՉԼ․ «Ռեալը» խոշոր հաշվով հաղթել է «Մանչեսթեր Սիթիին», ՊՍԺ-ն ու «Բուդյո-Գլիմտը» ևս խնդիրներ չեն ունեցել․ ՏԵՍԱՆՅՈՒԹ
Անշարժ գույքին առնչվող գործարքները 25 %-ով աճել են
Տնտեսություն
23.07.2021 | 10:11
Այս տարվա հունիսին գրանցվել է անշարժ գույքին առնչվող 18 087 գործարք , ինչը շուրջ 2000-ով ավելի է նախորդ ամսվա՝ մայիսին գրանցված գործարքների թվից։ Այս մասին տեղեկանում ենք Կադաստրի կոմիտեի հրապարակած տվյալներից։
Հունիսին գրանցված գործարքները գերազանցում են նաև նախորդ տարվա նույն ամսվա ընթացքում գրանցվածներին։ Տարբերությունը կազմում է 3 673 գործարք կամ աճ՝ 25 %-ով։
2021-ի հունիսին անշարժ գույքին առնչվող գործարքների թվում գերակշռում են օտարման գործարքները։ Դրանց հաջորդում են առաջնային գրանցումը, գրավադրումը, ժառանգությունը։
Գործարքների մեծ մասը բաժին է հասել Երևան քաղաքին, ապա հաջորդում են Կոտայքի ու Արարատի մարզերը։ Գործարքների ամենափոքր թիվն արձանագրվել է Վայոց ձորի մարզում։
Անժելա Պողոսյան
