19.11.2024 | 12:28
Փաշինյանի նոր կերպարը․ վարչապետը փոխել է ֆեյսբուքյան էջի գլխավոր լուսանկարն ու ետնանկարը
Կամերային թատրոնի շենքը ռեստորան չի դառնա, կտրվի սիմֆոնիկ նվագախմբին. նախարար. ՏԵՍԱՆՅՈՒԹ
Մշակույթ
22.07.2021 | 13:13
Պետական կամերային երաժշտական թատրոնի ու Հակոբ Պարոնյանի անվան կոմեդիայի երաժշտական թատրոնի միավորման նպատակը կամերային թատրոնի շենքը չէ։ Այսօր կառավարության նիստից հետո լրագրողների հետ ճեպազրույցում այս մասին հայտարարեց ՀՀ ԿԳՄՍ նախարարի պաշտոնակատար Վահրամ Դումանյանը` հերքելով մամուլում շրջանառող լուրերը, թե մայրաքաղաքի կենտրոնում գտնվող տարածքը վերածվելու է հերթական ռեստորանային համալիրի։
«Բացառված է, չկա նման բան։ Ես ձեզ հստակ ասում եմ` քննարկվում է շենքը սիմֆոնիկ նվագախմբին տրամադրելու տարբերակը»,-ասաց Դումանյանը` շեշտելով, որ նվագախումբը տարիներ շարունակ զրկված է սեփական տարածք ունենալու հնարավորությունից։
«Սիմֆոնիկը խորթ զավակ չէ, մեր պետական նվագախումբն է»,-ասաց նախարարի պաշտոնակատարը: Նա նաև հավելեց, որ որևիցե մեկը սեփականության վկայական չունի այդ տարածքի նկատմամբ:
Նախարարի պաշտոնակատարի խոսքով՝ լինում են իրավիճակներ, երբ միավորումը փրկություն է։ Դումանյանը վստահեցրեց, որ միավորվող թատրոններում կրճատումների խնդիր չի լինելու։ Ստեղծագործական ազատությունը պահպանվելու է։ Միաժամանակ լուծվելու է նաև սիմֆոնիկ նվագախմբին տարածքով ապահովելու հարցը։
Մանրամասները՝ տեսանյութում:
