25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Անհնար է ասել` հեղափոխությունից հետո քանի հոգի մշտական վերադարձավ Հայաստան. Սինանյան. ՏԵՍԱՆՅՈՒԹ
Հասարակություն
22.07.2021 | 12:37
Անհնար է տվյալներ ներկայացնել, թե քանի հոգի է հեղափոխությունից հետո հայրենադարձ եղել: Այս մասին այսօր՝ հուլիսի 22-ին, կառավարության նիստից հետո լրագրողների հետ զրույցում ասաց Սփյուռքի գործերի գլխավոր հանձնակատար Զարեհ Սինանյանը՝ անդրադառնալով հեղափոխությունից հետո տրված խոստմանը, թե հայրենադարձության «բում» է լինելու և հարցին, թե քանի՞ մարդ եկավ Հայաստան:
«Իհարկե, 2018 թվականից հետո մեծ թվով մեր հայրենակիցներ գնել են անշարժ գույք Հայաստանում, ինչ-որ քանակ նաև հայրենադարձվել է: «Բումը» տարբեր մարդիկ կարող են տարբեր կերպ հասկանալ: Իհարկե, և քովիդը, և պատերազմը խոչընդոտել են, որ այդ գործընթացը լինի շարունակական»,- ասաց Զարեհ Սինանյանը:
Նա նաև անդրադարձավ Էկոնոմիկայի նախարար Վահան Քերոբյանի հայտարարությանը, որ մեծ թվով աշխատատեղեր են ստեղծվում Հայաստանում և պետք է սփյուռքից «բերման ենթարկել» մեր հայրենակիցներին:
«Աշխատատեղեր ապահովելը դա արդեն զուտ կոչ չէ, եթե աշխատատեղերի մեծ աճ է գրանցվում, դա արդեն գործընթաց է և գոնե մի բովանդակային մասը հայրանադարձության հետ կապված առկա է»,- նշեց Սինանյանը:
Մանրամասները՝ տեսանյութում:
