13.05.2026 | 22:50
Հռոմ․ Կարեն Խաչանովը պարտվեց Կասպեր Ռուդին․ ՏԵՍԱՆՅՈՒԹ
Աշտարակի ոստիկանները թմրամիջոց են հայտնաբերել
Հասարակություն
21.07.2021 | 13:50
Ոստիկանության Աշտարակի բաժնի անչափահասների գործերով և ընտանիքում բռնության կանխարգելման բաժանմունքի ծառայողները տեղեկություն էին ստացել, որ Աղձք գյուղի մի բնակիչ ապօրինի պահում, օգտագործում և իրացնում է թմրամիջոց. տեղեկացնում են ՀՀ ոստիկանությունից:
Հուլիսի 17-ին Աշտարակի ոստիկաններն այցելեցին նրա տուն և խուզարկությամբ պատուհանագոգին հայտնաբերեցին պլաստիկ տարաներում աճեցրած կանեփի չորս բույս: Տանտերը հայտնեց, որ դրանք աճեցրել է անձնական օգտագործման համար: Նա նաև ոստիկաններին ներկայացրեց չորացված կանեփանման զանգվածով չորս փաթեթ:
Տանտերը բերման է ենթարկվել ոստիկանության Աշտարակի բաժին, հայտնաբերվածն ուղարկվել է փորձաքննության: Հանգամանքները պարզվում են:
