Տեղ համայնքի բնակիչներն ահազանգում են՝ խմելու ջուր չունեն

Լուրեր

12.12.2024 | 23:29
Եվրոպական կառույցը ԵՄ-ին կոչ է արել հետաքննել Թուրքիայի իշխանությունների կողմից արհմիությունների գործիչների ձերբակալություններն ու իրավունքների խախտումները
12.12.2024 | 23:04
Երևան-Սևան-Դիլիջան ճանապարհին ավտոմեքենան շրջվել է և հայտնվել փոսի մեջ
12.12.2024 | 22:48
Բաքուն փորձում է միջնորդ լինել Թուրքիայի ու Իսրայելի միջև
12.12.2024 | 22:33
Հայաստանի մի շարք հասցեներում էլեկտրաէներգիայի անջատումներ կլինեն
12.12.2024 | 22:21
Թրամփը համաձայն չէ «հարյուրավոր մղոններ Ռուսաստանի խորքերի» ուղղությամբ հրթիռներ արձակելուն
12.12.2024 | 22:04
Ադրբեջանում քաղբանտարկյալների հակառեկորդ է գրանցվել․ նրանց թիվը հասել է 331-ի
12.12.2024 | 21:50
Դավիթ Խուդաթյանն այցելել է «Բարձրավոլտ էլեկտրացանցեր» ՓԲԸ
12.12.2024 | 21:38
Հայաստան-Հնդկաստան-Իրան եռակողմ խորհրդակցություններ են անցկացվել
12.12.2024 | 21:30
Կրեմլի պրոպագանդիստ Դուգինը Էրդողանին դավաճան հռչակեց․ ՌԴ-ն Մերձավոր Արևելքից դուրս է մղվում․ Գուրգեն Սիմոնյան․ ՏԵՍԱՆՅՈՒԹ
12.12.2024 | 21:21
Չնայած Սիրիայի ճգնաժամին՝ Մոսկվան լիարժեք հարաբերություններ է պահպանել Անկարայի հետ․ ՌԴ ԱԳՆ
12.12.2024 | 21:10
Ասլանյանին «դատելու» պատճառը. «գնդակահարության պատի» տակ կանգնած Փաշինյանն այլ կարծիք չի՞ հանդուրժում. ՏԵՍԱՆՅՈՒԹ
12.12.2024 | 21:09
ՀՀ նախագահն ընդունել է Լատվիայի նախկին նախագահին
12.12.2024 | 21:00
54 սպանված, 550 կալանավորված, պատանդառված ու անհետ կորած լրագրողներ․ RSF-ը հրապարակել է 2024 թվականի զեկույցը
12.12.2024 | 20:51
Վանաձոր-Ստեփանավան ավտոճանապարհին վթարի հետևանքով հիվանդանոց է տեղափոխվել 8 տուժած
12.12.2024 | 20:45
Կինը՝ ուժային կառույցում․ լեյտենանտ Մարիամ Կարապետյանի ծառայությունը՝ փորձություններով լի. ՏԵՍԱՆՅՈՒԹ
Բոլորը

Սյունիքի մարզի Տեղ համայնքի բնակիչներն ահազանգում են, որ օրերով խմելու ջուր չեն ունենում։ Համայնքի բնակիչ Մասիս Զեյնալյանը Factor.am-ի հետ զրույցում ասաց, որ համայնքի առանձին հատվածներում է ջուր լինում միայն, այն էլ՝ հերթով։

«Երեք օրը մեկ՝ մեկ ժամով կամ ունենում ենք ջուր, կամ՝ չէ։ Մեր գյուղը մեծ է, երկու մասի են բաժանել, մի անգամ մի մասին են ջուր տալիս, հաջորդ անգամ՝ մյուս մասին։ Հիմա մեր հերթն անցել է, բայց 4 օր ջուր չենք ունեցել։ Գյուղում ջուրը ապահովող աշխատակցին հարցնում ենք, ասում է՝ ես ի՞նչ մեղք ունեմ, ջուր չեն տալիս։ Գյուղում էլ աշխատանքները շատ են, առանց ջուր չի լինի»,- ընդգծում է բնակիչը։

Նա ասում է՝ դիմել են համայնքապետին, որն էլ ասել է, թե խնդիրը պետք է կարգավորի «Վեոլիա Ջուր» ընկերությունը։

Մասիսի խոսքով՝ Արմավիրում քարոզարշավի ժամանակ այդ խնդրով դիմել է վարչապետի պաշտոնակատարի օգնական Սուրեն Ղամբարյանին, սակայն այդպես էլ պատասխան չի ստացել։

Գյուղում նաև ոռոգման ջուր չկա․ բնակիչն ասում է՝ ապրում են գյուղում, բայց կարտոֆիլն ու լոլիկը ստիպված գնում են շուկայից։

Տեղի համայնքապետ Ներսես Շադունցը մեզ հետ զրույցում ասաց՝ քանի որ գյուղում չկա ոռոգման ջուր, բնակիչների որոշ մասը ծառերը ջրելու համար խմելու ջուրն է օգտագործում։

«Մենք նույն չափաքանակով ջուր ենք ստանում, բայց «Վեոլիա Ջրի» սպասարկման տարածքն է, ինքը պետք է գա, կարգավորի այդ հարցը։ Գյուղը բաժանում են մի քանի հատվածների, որպեսզի ժամաքանակով ջուր հատկացնեն։ Կարգավորիչ դիտահորեր էլ ունեն, որոշներն աշխատում են, որոշները՝ երևի ոչ։ Տարվա այս եղանակին միշտ լինում է ջուր չունենալու խնդիրը»,- նկատեց Շադունցը։

Համայքապետն ընդգծում է, որ խնդիրը կարգավորելու համար նախևառաջ պետք է լուծել ոռոգման ջրի խնդիրը, ըստ այդմ՝ խմելու ջուրը կօգտագործվի իր նշանակությամբ։

Ըստ համայնքապետի՝ խնդիրը կարգավորելու համար նախագիծ է ներկայացրել Կառավարությանը։ Նրա կարծիքով, եթե այդ նախագիծն իրականանա՝ Տեղ համայնքում մոտավորապես 65-70%-ով կլուծվի ջրի հարցը։

«Քիչ առաջ էլ խոսել եմ մարզպետի հետ, քննարկել ենք, մեծ աշխատանք չի պահանջում, վերանորոգման խնդիր է»,- նշեց համայնքապետը։

Մենք փորձեցինք պարզաբանում ստանալ նաև «Վեոլիա Ջուր» փակ բաժնետիրական ընկերությունից, սակայն մեր բազմաթիվ հեռախոսազանգերն անպատասխան մնացին։

 

Արփի Հակոբյան