Քաղաքականություն
20.07.2021 | 17:54«Ադրբեջանը փորձում է ռազմական հաղթանակի արդյունքները քաղել և շտապում է հնարավորինս արագ լուծել միջանցքի հարցը, հնարավոր է նաև ինչ-որ տարածքային խնդիրների, անկլավների հարցը»,- այս մասին «Լարված սահման. Երասխում կրակոցների ռազմաքաղաքական հետևանքները» թեմայով քննարկման ժամանակ ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը:
Իսկանդարյանի խոսքով՝ Երասխում սահմանը հին է՝ ի տարբերություն Սյունիքի, Գեղարքունքի սահմանների, որոնք կահավորված չեն, և որտեղ բավարար թվով սահմանապահներ չկան: «Սյունիքում և Գեղարքունիքում հնարավոր է մտնել հայկական տարածք ու հանդիպել որևէ հովվի, մի քանի քառակուսի կիլոմետր «պոկելն» այնտեղ տեխնիկապես որևէ խնդիր չի առաջացնի, իսկ Երասխում իրավիճակն այլ է, այստեղ սահմանը բավականին լավ է կահավորված, Հայաստանի Զինված ուժերը վաղուց են կանգնած այդտեղ, մի քանի հարյուր մետր վերցնելու ցանկության դեպքում կարող է լուրջ իրավիճակ առաջանալ»,- ասաց նա:
Քաղաքագետի դիտարկմամբ՝ Ադրբեջանի պաշտոնական տրամաբանությունը ճնշում գործադրելն է Հայաստանի վրա՝ սեղմելով ցավոտ կետերը:
Մանրամասները՝ տեսանյութում:
