29.06.2026 | 20:10
ՆԳՆ-ում 2 ծառայողի նկատմամբ կիրառվել է «Ծառայության դադարեցում» կարգապահական տույժ
Դատախազությունը ԿԸՀ միջնորդություն է ներկայացրել՝ Սիսիանի քաղաքապետին անձեռնմխելիությունից զրկելու համար
Հասարակություն
13.07.2021 | 20:34
ՀՀ Գլխավոր դատախազությունը Կենտրոնական ընտրական հանձնաժողով (ԿԸՀ) միջնորդություն է ներկայացրել՝ Սիսիանի համայնքապետ, «Հայաստան» դաշինքի ընտրացուցակում ներառված Արթուր Սարգսյանին անձեռնմխելիությունից զրկելու համար: Այս մասին Factor.am-ին հայտնեցին Գլխավոր դատախազությունից։
Հիշեցնենք՝ Արթուր Սարգսյանը կասկածվում է ՀՀ քրեական օրենսգրքի 308-րդ հոդվածի երկրորդ մասով (պաշտոնեական լիազորությունները չարաշահելը) և ՔՕ 314-րդ հոդվածի առաջին մասով (պաշտոնատար անձի կողմից շահադիտական նպատակով կամ անձնական այլ դրդումներով կամ խմբային շահերից ելնելով՝ պաշտոնական փաստաթղթերում ակնհայտ կեղծ տեղեկություններ կամ գրառումներ մտցնելը, կեղծում, քերվածք կամ այլ թվական գրառումներ կամ փոփոխություններ կատարելը, ինչպես նաև կեղծ փաստաթղթեր կազմելը կամ հանձնելը):
