Հայաստանում հավատարմագրված մի շարք դիվանագիտական ներկայացուցչությունների ղեկավարներ հրավիրվել են ԱԳՆ

Քաղաքականություն

13.07.2021 | 18:09

Լուրեր

11.01.2026 | 13:15

Սիրիայի բանակը հայտարարել է, որ ավարտել է գործողությունը Հալեպում

11.01.2026 | 13:07

ՔՊ ցուցակով առաջադրվել եմ. Վարդենիսի նախկին քաղաքապետը Մասիսում պատարագի է մասնակցում․ ՏԵՍԱՆՅՈւԹ

11.01.2026 | 12:55

ՔԿԾ նախկին պետը` Դավիթ Տոնոյանի պատճառով աշխատանքից ազատվելու տեղեկությունների մասին. ՏԵՍԱՆՅՈւԹ

11.01.2026 | 12:15

Ես Երևանի քաղաքապետարանում եմ աշխատում. այստեղ եմ բնակվում. պատարագի մասնակից․ ՏԵՍԱՆՅՈւԹ

11.01.2026 | 11:59

Զինվորականները Թրամփին են ներկայացրել Իրանի դեմ հարվածների տարբերակներ․ The New York Times

11.01.2026 | 11:52

«Մանչեսթեր Սիթին» խփել է 10 գոլ ու կրկնել «Լիվերպուլի» ռեկորդը․ ՏԵՍԱՆՅՈՒԹ

11.01.2026 | 11:45

Եկել եմ պատարագի. Աջափնյակի թաղապետ․ ՏԵՍԱՆՅՈւԹ

11.01.2026 | 11:35

Ձեր լիազորությունների շրջանակու՞մ է Գարեգին երկրորդի որոշումն առ ոչինչ ճանաչել. հարց` Փաշինյանին․ ՏԵՍԱՆՅՈւԹ

11.01.2026 | 11:30

Փաշինյանը երթևեկում է նոր «1» համարանիշով. նա ժամանեց Մասիսի եկեղեցի․ ՏԵՍԱՆՅՈւԹ

11.01.2026 | 11:25

Արման Ծառուկյանը վստահ հաղթել է Լենս Փալմերին․ ՏԵՍԱՆՅՈՒԹ

11.01.2026 | 11:20

Վարչապետն իր դիրքորոշումն է հայտնել. Վեդիի համայնքապետ․ ՏԵՍԱՆՅՈւԹ

11.01.2026 | 11:00

Փաշինյանը պատարագի է մասնակցում Մասիսի Սուրբ Թադեոս եկեղեցում. ՈՒՂԻՂ

11.01.2026 | 10:23

Ջրաբեր-Ֆանտան ճանապարհը կցորդով տրանսպորտային միջոցների համար դժվարանցանելի է

11.01.2026 | 10:08

Լարսը փակ է բեռնատարների համար

10.01.2026 | 20:05

Անի Ամիրաղյանը պարտվել է Կատարինա Զավացկային

Բոլորը

Հուլիսի 9-10-ը Ադրբեջանի իշխանությունների կողմից Լեռնային Ղարաբաղի օկուպացված տարածքներ կազմակերպված այցելությանը որոշ երկրների դիվանագիտական ներկայացուցիչների մասնակցության առնչությամբ Հայաստանի Հանրապետության արտաքին գործերի նախարարություն են հրավիրվել համապատասխան դիվանագիտական առաքելությունների ղեկավարները։

Դեսպաններին է փոխանցվել նրանց երկրների կառավարություններին ուղղված հայտագրեր, որտեղ, մասնավորապես, նշվել է, որ Հայաստանի Հանրապետությունը բացարձակապես անընդունելի է համարում Ադրբեջանում հավատարմագրված դիվանագիտական ներկայացուցիչների այցելությունն Արցախի օկուպացված տարածքներ, այդ թվում՝ Հադրութ և Արցախի պատմական կենտրոն՝ Շուշի քաղաք, որոնք ենթարկվել են էթնիկ զտումների, իսկ բնակչության նկատմամբ Ադրբեջանի զինված ուժերի կողմից իրագործվել են պատերազմական հանցագործություններ և զանգվածային ոճրագործություններ։ Ընդգծվել է, որ Ադրբեջանի իշխանությունները նմանատիպ միջոցառումներով փորձում են օրինականացնել Արցախի ժողովրդի դեմ իրականացված ագրեսիան և ամրապնդել հակամարտությունն ուժի կիրառմամբ լուծելու սեփական պնդումները։

Բոլոր հանդիպումների ընթացքում շեշտվել է, որ դիվանագիտական ներկայացուցիչների ներգրավվումը նմանօրինակ այցելություններին հակասում է Հայաստանի Հանրապետության և տվյալ երկրների միջև ձևավորված համագործակցության ոգուն, ինչպես նաև՝ ԵԱՀԿ Մինսկի խմբի համանախագահության դիրքորոշմանը։ Այս տեսակետից Հայաստանը հաստատակամորեն կոչ է անում ձեռնպահ մնալ ցանկացած գործողություններից, որոնք կարող են արդարացնել ուժի կիրառումը և դրանով իսկ խաթարել տարածաշրջանային խաղաղությունն ու անվտանգությունը։

Ուժի կիրառումը և զանգվածային ոճրագործությունները չեն կարող լուծել ղարաբաղյան հակամարտությունը, որի կարգավորումը հնարավոր է միայն բանակցությունների միջոցով՝ միջազգային մանդատ ունեցող միակ ձևաչափի՝ ԵԱՀԿ Մինսկի խմբի համանախագահության շրջանակներում։

Հայաստանի արտաքին քաղաքական գերատեսչությունը նախաձեռնել է նաև քայլեր՝ հասցնելու Հայաստանի Հանրապետության վերոնշյալ դիրքորոշումը համապատասխան այն երկրների մայրաքաղաքներին, որոնք իրենց դիվանագիտական ներկայացուցչությունները Հայաստանում հավատարմագրել են համատեղության կարգով։