07.10.2026 | 23:48
Արթուր Դանիելյանը կալանավորվեց
Մասիսի քաղաքապետի եղբայրը կալանավորվել է
Հասարակություն
13.07.2021 | 14:11
Մասիսի քաղաքապետ Դավիթ Համբարձումյանի եղբայրը՝ Գոռ Համբարձումյանը, հուլիսի 8-ին երկու ամսով կալանավորվել է: Նրան մեղադրանք է առաջադրվել Քրեական օրենսգրքի 262-րդ հոդվածի երկրորդ մասի 1-ին և 5-րդ կետերով (պոռնկությամբ զբաղվելուն նպաստելը՝ մի խումբ անձանց կողմից նախնական համաձայնությամբ, երկու կամ ավելի անձանց օգտագործելով): Այս մասին Factor TV-ի հետ զրույցում հայտնեց ՀՀ Քննչական կոմիտեի մամուլի խոսնակ Վարդան Թադևոսյանը:
Խոսնակի հաղորդմամբ՝ Համբարձումյանը փոխկապակցված է շղթայական և կազմակերպված մարմնավաճառության գործի հետ:
Վերջինը, ըստ մեղադրանքի, ոչ թե անմիջական կապ է ունեցել կանանց պոռնկության գործում ներգրավվելու գործընթացի մեջ, այլ նույն գործում խնդիրներ առաջանալու դեպքում դրանք լուծել է, ինչի դիմաց ստացել է գումար մարմնավաճառների ստացված հոնորարներից:
Հիշեցնենք՝ Գոռ Համբարձումյանն անցնում է նաև մեկ այլ քրեական գործով: Նրան մեղադրանք է առաջադրված նաև զանգվածային անկարգությունների և խուլիգանության հոդվածով։ Համբարձումյանը 2018 թվականի հեղափոխության օրերին Երևանի Կորյուն-Հերացի խաչմերուկում փողոց փակած քաղաքացիներին հայհոյել էր, ինչպես նաև փորձել բռնի ուժով դուրս հանել փողոցից՝ հարվածներ հասցնելով նրանց:
Ռոզա Վարդանյան
