03.04.2026 | 19:00
Տոմս կա, թռիչք չկա․ ինչպես վերադարձնել չեղարկված հանգստի գումարները. ՏԵՍԱՆՅՈՒԹ
Մեղրիի նախկին քաղաքապետ Մխիթար Զաքարյանը երկու ամսով կալանավորվեց
Հասարակություն
13.07.2021 | 12:58
Մեղրի համայնքի նախկին ղեկավար, «Հայաստան» դաշինքի ընտրական ցուցակի 17-րդ համար Մխիթար Զաքարյանը երկու ամսով կալանավորվեց։ Զաքարյանին մեղադրանք է առաջադրվել Քրեական օրենսգրքի 308 րդ հոդվածի 2-րդ (պաշտոնեական լիազորությունները չարաշահելը) և 314-րդ հոդվածի 1-ին մասով (պաշտոնեական կեղծիքը):
Փաստաբան Երեմ Սարգսյանը Factor.am-ի հետ զրույցում ասաց՝ թեև իր պաշտպանյալի ձերբակալումը բողոքարկվել էր դատարանում և ապօրինի ճանաչվել, այնուամենայնիվ, Զաքարյանը կալանավորվել է։
Ավելի վաղ պաշտպանը հայտարարել էր, որ նախկին քաղաքապետի նկատմամբ պետական մարմիններն ակնհայտ ապօրինի համագործակցված գործողություններ են իրականացնում։
Նշենք, որ սա նախկին քաղաքապետին առնչվող քրեական գործերից միայն մեկն է։ Դրանցից մեկը «ԱրմենՏել»-ի շարժական կապի բջջային կայանի վարձակալման հարցին էր վերաբերում, Զաքարյանը մեղադրվում էր համայնքային բյուջեին 3,5 միլիոն դրամի վնաս հասցնելու համար։
Մեղրիի նախկին քաղաքապետը հրաժարականի դիմում է ներկայացրել օրեր առաջ։ Զաքարյանը «Հայաստան» դաշինքի պատգամավորության թեկնածու է, հայտարարել էր, որ մանդատը վերցնելու է և խորհրդարան գնա։
Կենտրոնական ընտրական հանձնաժողովն օրեր առաջ բավարարել էր Զաքարյանի նկատմամբ քրեական հետապնդում հարուցելուն և կալանավորումը որպես խափանման միջոց ընտրելուն համաձայնություն տալու մասին Դատախազության միջնորդությունը:
Ռոզա Վարդանյան
