02.03.2026 | 16:48
Միրզոյանն ու Կոսը քննարկել են Մերձավոր Արևելքում ստեղծված իրավիճակը
Միջին անվանական աշխատավարձը պետական հատվածում բարձրացել է, մասնավորում՝ նվազել
Հասարակություն
12.07.2021 | 21:45
Այս տարվա մայիսին ապրիլի համեմատ միջին անվանական աշխատավարձը փոքր-ինչ անկում է գրանցել։ Այս մասին տեղեկանում ենք Պետական վիճակագրական կոմիտեի հրապարակած տվյալներից։
Այսպես․ այս տարվա մայիսին ապրիլի համեմատ միջին անվանական աշխավարձը նվազել է 0,1 %-ով։ Դրա վրա մեծապես ազդել է մասնավոր հատվածում 1%-ով նվազումը։ Իսկ պետական հատվածում, ընդհակառակը, միջին անվանական աշխատավարձը 1,7 % -ով աճել է։
12-ամսյա կտրվածքով՝ մայիսին նախորդ մայիսի համեմատ միջին անվանական աշխատավարձը աճել է 7,9%-ով։ Պետական հատվածում աճը կազմել է 7 %, մասնավոր հատվածում՝ 8 %:
Ըստ հրապարակված տվյալների՝ մայիսին միջին անվանական աշխատավարձը կազմել է 197 հազար 298 դրամ, պետական հատվածում՝ 169 հազար 899 դրամ, իսկ մասնավոր հատվածում՝ 210 հազար 205 դրամ։
Անժելա Պողոսյան
