16.05.2026 | 18:16
ՀՀ ԱԳ փոխնախարարը Քիշնևում անդրադարձել է արտաքին տեղեկատվական միջամտությունների սպառնալիքներին
Երևան-Սևան ճանապարհին մեքենաներ են բախվել․ կա մեկ զոհ
10.07.2021 | 20:00
Հուլիսի 10-ին՝ ժամը 16։08-ին․ Կոտայքի մարզային ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին՝ Արծվի թևերի մոտակայքում, տեղի է ունեցել ՃՏՊ։
Ինչպես տեղեկացրին ՀՀ ԱԻՆ-ից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Սևան ավտոճանապարհի 15-րդ կմ-ին բախվել են «Toyota Corolla» (վարորդ` Ռ. Օ., ծնված 1988 թ.) և «Honda Elysion» (վարորդ՝ Ս․ Ղ․, ծնված 1999 թ.) մակնիշների ավտոմեքենաները, ինչի հետևանքով վերջինիս ուղևոր Ս․ Ղ․-ն (ծնված 2003 թ.) տեղում մահացել է:
Փրկարարները հոսանքազրկել են ավտոմեքենաները, փակել գազի բալոնների փականները, «Honda Elysion» ավտոմեքենայի վարորդին և մահացած ուղևորին մոտեցրել շտապօգնության ավտոմեքենային:
«Toyota Corolla» ավտոմեքենայի վարորդը, ուղևորներ Ա․ Օ․-ն (ծնված 1989 թ.), Դ․ Օ․-ն (ծնված 2014 թ.) և «Honda Elysion» ավտոմեքենայի վարորդը հոսպիտալացվել են Աբովյանի ԲԿ, որտեղ ստանալով համապատասխան բուժօգնություն՝ դուրս են գրվել:
